Shiv Sena Hearing : एकनाथ शिंदेंना मोठा धक्का? शिवसेना आणि चिन्हाबाबत सुप्रीम कोर्टाची मोठी टिप्पणी
Shiv Sena Hearing : शिवसेना पक्षनाव आणि ‘धनुष्यबाण’ या निवडणूक चिन्हाबाबत उद्धव ठाकरे गट आणि एकनाथ शिंदे गट यांच्यातील कायदेशीर लढाईची सर्वोच्च न्यायालयात सुनावणी पार पडली.
Shiv Sena Hearing : शिवसेना पक्ष आणि ‘धनुष्यबाण’ चिन्हावरून ठाकरे आणि शिंदे गटामध्ये सुरू असलेल्या कायदेशीर लढाईची सर्वोच्च न्यायालयातील सुनावणी सध्या महत्त्वाच्या टप्प्यावर पोहोचली आहे. (Shiv Sena Hearing)
ठाकरे गटाच्या वतीने ज्येष्ठ वकील कपिल सिब्बल यांनी युक्तिवाद करताना निवडणूक आयोगाच्या निर्णयावर आणि शिवसेनेतील संघटनात्मक प्रक्रियेवर प्रश्न उपस्थित केले. याचदरम्यान सर्वोच्च न्यायालयाने केलेल्या एका महत्त्वपूर्ण टिप्पणीची चर्चा सुरू झाली आहे. (Shiv Sena Hearing)
कपिल सिब्बल यांनी शिवसेनेच्या पक्षघटनेचा संदर्भ देत 1999 च्या घटनेमध्ये पक्षप्रमुखपदाबाबतची तरतूद आणि त्यानंतर झालेल्या संघटनात्मक बदलांवर प्रश्न उपस्थित केला. निवडणूक आयोगाने आपल्या सोयीने निर्णय घेतल्याचा आरोपही त्यांनी केला. (Shiv Sena Hearing)
‘पक्षात फूट आधी स्पष्ट नव्हती, मग तक्रारी कशा?’
सिब्बल यांनी युक्तिवाद करताना शिवसेनेत फूट पडल्याचे सुरुवातीला स्पष्ट नसताना त्याबाबतच्या तक्रारी आणि त्यानंतरची प्रक्रिया कशी करण्यात आली, असा सवाल उपस्थित केला. तसेच पक्षातील संघटनात्मक बाबींचा विचार न करता निर्णय घेण्यात आल्याचा दावा त्यांनी केला. (Shiv Sena Hearing)
याचदरम्यान सर्वोच्च न्यायालयाने, “तुम्ही ज्या संघटनात्मक गोष्टी मांडत आहात, त्या बरोबर वाटत आहेत,” अशी टिप्पणी केल्याचे सांगण्यात येत आहे. तसेच कठीण परिस्थितीतही निर्णय लोकशाही पद्धतीने घेतले गेले पाहिजेत, असे निरीक्षण न्यायालयाने नोंदवल्याचे वृत्त आहे. (Shiv Sena Hearing)
Supreme Court
शिंदेंच्या मुख्यमंत्रीपदावरही सिब्बलांचा सवाल
एकनाथ शिंदे यांची मुख्यमंत्रिपदी झालेली निवड आणि त्यामागील संघटनात्मक प्रक्रिया यावरही कपिल सिब्बल यांनी प्रश्न उपस्थित केले. कोणत्याही संघटनात्मक प्रक्रियेची पुरेशी पडताळणी न करता शिंदे यांची निवड करण्यात आल्याचा दावा त्यांनी केला. (Shiv Sena Hearing)
दरम्यान, सर्वोच्च न्यायालयाच्या टिप्पणीचा नेमका निकालावर काय परिणाम होणार, हे अद्याप स्पष्ट झालेले नाही. मात्र सुनावणीदरम्यान झालेल्या या चर्चेमुळे शिवसेना पक्ष आणि ‘धनुष्यबाण’ चिन्हाच्या प्रकरणाकडे पुन्हा एकदा संपूर्ण महाराष्ट्राचे लक्ष लागले आहे. (Shiv Sena Hearing)
