Maharashtra Politics : राष्ट्रवादी काँग्रेसच्या दोन्ही गटांच्या संभाव्य विलिनीकरणाबाबत पुन्हा एकदा राजकीय चर्चांना उधाण आले आहे. राष्ट्रवादी काँग्रेसचे नेते प्रफुल्ल पटेल यांनी शरद पवार यांची भेट घेतल्यानंतर या चर्चांना वेग आला. (Maharashtra Politics)

त्यातच राष्ट्रवादी काँग्रेसच्या अजित पवार गटाचे प्रदेशाध्यक्ष सुनील तटकरे यांनी विलिनीकरणाबाबत महत्त्वाचे विधान केले आहे. अजितदादा असते तर दोन्ही राष्ट्रवादी काँग्रेस एकत्र दिसल्या असत्या. विलिनीकरणासाठी १२ फेब्रुवारी ही तारीख निश्चित झाली असती, असे तटकरे म्हणाले. (Maharashtra Politics)

‘अजितदादा असते तर दोन्ही राष्ट्रवादी एकत्र आल्या असत्या’

माध्यमांशी बोलताना सुनील तटकरे यांनी स्पष्ट केले की, सध्या दोन्ही राष्ट्रवादी काँग्रेसच्या विलिनीकरणाबाबत कोणतीही चर्चा सुरू नाही. मात्र, अजित पवार हयात असते तर दोन्ही पक्षांच्या एकत्र येण्याची प्रक्रिया पूर्ण झाली असती, असे त्यांचे म्हणणे आहे. (Maharashtra Politics)

अजितदादा असते तर दोन्ही राष्ट्रवादी काँग्रेस आज एकत्र दिसल्या असत्या. त्यांच्या निधनामुळे ही चर्चा मागे पडली. १२ फेब्रुवारी ही जी तारीख सांगितली जाते, ती निश्चित झाली असती,” असे विधान तटकरे यांनी केले. (Maharashtra Politics)

प्रफुल्ल पटेल-शरद पवार भेटीचा राजकीय अर्थ काढू नका

प्रफुल्ल पटेल यांनी शरद पवार यांची भेट घेतल्याने विलिनीकरणाच्या चर्चांना पुन्हा सुरुवात झाली. या भेटीवर प्रतिक्रिया देताना तटकरे म्हणाले की, प्रफुल्ल पटेल हे शरद पवार यांच्या प्रकृतीची विचारपूस करण्यासाठी गेले होते. या भेटीत काही राजकीय चर्चा झाली असण्याची शक्यता असली, तरी ती नेमकी कोणत्या संदर्भात झाली, याबाबत आपल्याला माहिती नसल्याचे त्यांनी सांगितले. (Maharashtra Politics)

शरद पवार यांच्यावर रुग्णालयात उपचार

दरम्यान, प्रकृती अस्वस्थ झाल्याने शरद पवार यांना मुंबईतील ब्रीच कँडी रुग्णालयात दाखल करण्यात आल्याचे वृत्त आहे. सोलापूरच्या दौऱ्यावर असताना त्यांची प्रकृती बिघडली होती. त्यानंतर त्यांना पुण्यातील रुबी हॉल रुग्णालयात दाखल करण्यात आले. दोन दिवसांच्या उपचारांनंतर पुढील उपचारांसाठी त्यांना मुंबईत हलवण्यात आले. सध्या त्यांची प्रकृती स्थिर असल्याची माहिती देण्यात आली आहे. (Maharashtra Politics)

शरद पवार यांच्या भेटीसाठी विविध राजकीय नेते रुग्णालयात जात आहेत. दरम्यान, सुनील तटकरे यांच्या विधानामुळे राष्ट्रवादी काँग्रेसच्या दोन्ही गटांच्या संभाव्य विलिनीकरणाचा मुद्दा पुन्हा चर्चेत आला आहे. (Maharashtra Politics)

Maharashtra Politics : ‘दोन्ही पक्ष महायुतीसोबत…’; राष्ट्रवादीच्या विलिनीकरणार काँग्रेस नेत्याचं रोखठोक भाष्य, शरद पवारांच्या भूमिकेबाबत थेट म्हणाले…