NCP Politics : रायगड जिल्ह्याच्या राजकीय वर्तुळातून एक मोठी आणि धक्कादायक घडामोड समोर आली असून राष्ट्रवादी काँग्रेसला (NCP Politics) पेण विधानसभा मतदारसंघात जबर धक्का बसला आहे.

पक्षाचे पेण विधानसभा मतदारसंघाचे कार्याध्यक्ष आणि प्रदेशाध्यक्ष सुनील तटकरे यांचे अत्यंत विश्वासू सहकारी म्हणून ओळखले जाणारे प्रमोद म्हसकर यांनी आपल्या पदाचा तडकाफडकी राजीनामा दिला आहे. म्हसकर यांनी राजीनामा देताना पत्रात कोणत्याही (NCP Politics) स्पष्ट कारणाचा उल्लेख केलेला नसला, तरी त्यांच्या या अनपेक्षित निर्णयामुळे राजकीय गोटात प्रचंड खळबळ उडाली आहे.

गेल्या अनेक महिन्यांपासून प्रमोद म्हसकर हे आपल्या प्रतिष्ठानच्या माध्यमातून पेणसह संपूर्ण रायगड जिल्ह्यात सामाजिक कार्यात सातत्याने सक्रिय होते. सुनील तटकरे यांचे निकटवर्तीय आणि संघटनात्मक बांधणीतील महत्त्वाचा चेहरा अचानक पक्षापासून दुरावल्याने विविध तर्कवितर्कांना उधाण आले आहे.

म्हसकर यांनी राजीनाम्याचे नेमके कारण गुलदस्त्यात ठेवले असले, तरी पक्षांतर्गत सुरू असलेल्या शीतयुद्धाला आणि अंतर्गत राजकारणाला कंटाळूनच त्यांनी हे टोकाचे पाऊल उचलल्याची चर्चा दबक्या आवाजात सुरू आहे. ऐन महत्त्वाच्या टप्प्यावर तटकरेंच्या बालेकिल्ल्यातच (NCP Politics) त्यांच्या शिलेदाराने साथ सोडल्यामुळे रायगडमध्ये राष्ट्रवादीच्या संघटनात्मक रचनेला मोठा सुरुंग लागण्याची शक्यता वर्तवली जात आहे.