Sunetra Pawar – उपमुख्यमंत्री सुनेत्रा पवार आणि राष्ट्रवादीच्या नेत्यांनी मुख्यमंत्री देवेंद्र फडणवीस यांची भेट घेतली. दिवंगत नेते अजित पवार यांच्या विमान अपघाताची सीबीआय चौकशी करण्याची मागणी त्यांनी केली आहे. सुनेत्रा पवार, सुनिल तटकरे, प्रफुल्ल पटेल, हसन मुश्रीफ आणि पार्थ पवार यांनी फडणवीस यांची भेट घेत, मागणीचे पत्र सुपूर्द केले. मुख्यमंत्र्यांनी या संदर्भात केंद्रीय गृह मंत्रालयाशी संपर्क साधण्याचे आश्वासन दिले असल्याची माहीती राष्ट्रवादीचे नेते सुनील तटकरे यांनी दिली. मुख्यमंत्र्यांनी आम्हाला आश्वासन दिले आहे की, राज्य सरकार या संदर्भात केंद्रीय गृह मंत्रालयाशी संपर्क साधेल. सरकारने आधीच स्वतंत्र एजन्सींकडून चौकशी सुरू केली आहे आणि सीबीआय चौकशीचे आदेश देण्याचे सांगितले आहे. केंद्रीय एजन्सीकडून चौकशी व्यापक असेल असे आम्हाला वाटते. राष्ट्रवादी पक्ष सुनेत्रा पवार यांच्या पाठीशी पूर्णपणे आहे आणि त्यात कोणताही मतभेद नसल्याचे तटकरे म्हणाले.
