Strait of Hormuz: मध्य पूर्वेत तणाव वाढत आहे. इराणने आता होर्मुझच्या सामुद्रधुनीतून जाणाऱ्या काही जहाजांकडून २ दशलक्ष डॉलर्स आकारण्याचा निर्णय घेतला आहे. म्हणजे भारतीय चलनात अंदाजे १८८ कोटी रुपये इतका टोल लादण्यात आला आहे. या महत्त्वपूर्ण जागतिक सागरी मार्गावरील आपले नियंत्रण दाखवण्यासाठी इराणने हे पाऊल उचलले आहे. इराणच्या खासदाराचे विधान इराणच्या संसदेच्या राष्ट्रीय सुरक्षा समितीचे सदस्य अलाएद्दीन बोरुजेर्दी म्हणाले की, होर्मुझच्या सामुद्रधुनीतून जाणाऱ्या काही जहाजांवर लादलेला २ दशलक्ष डॉलर्सचा नवीन टोल आधीच लागू करण्यात आला आहे. त्यांनी, “हे पाऊल अनेक दशकांनंतर या सामुद्रधुनीवरील इराणचा अधिकार दर्शवते” असे म्हटले. Strait of Hormuz: बोरुजेर्दी म्हणाले, “काही जहाजांकडून २ दशलक्ष डॉलर्सचा टोल आकारणे हे इराणची शक्ती दर्शवते. आता युद्धाचा खर्च वाढला असल्याने, आम्हाला हे करणे आवश्यक वाटते. होर्मुझमधून जाणाऱ्या जहाजांकडून संक्रमण शुल्क आकारणे हे इस्लामिक प्रजासत्ताकाची शक्ती आणि अधिकार दर्शवते.” ट्रम्प यांनी धमकी दिली होती बोरुजेर्दी यांचे विधान ट्रम्प यांच्या इशाऱ्यानंतर आले आहे. अमेरिकेचे अध्यक्ष डोनाल्ड ट्रम्प यांनी गेल्या आठवड्यात म्हटले की, जर इराणने ४८ तासांच्या आत होर्मुझची सामुद्रधुनी खुली केली नाही, तर अमेरिका सर्वात मोठ्या वीज प्रकल्पांपासून सुरुवात करून इराणच्या वीज प्रकल्पांवर हल्ला करेल. इराणच्या एका खासदारानेही ट्रम्प यांच्या धमकीचा संदर्भ देत म्हटले की, इस्रायलचे वीज प्रकल्पदेखील इराणच्या टप्प्यात आहेत आणि ते एका दिवसात नष्ट केले जाऊ शकतात.
