Strait of Hormuz: मध्यपूर्वेत सुरू असलेल्या भीषण युद्धाच्या पार्श्वभूमीवर, संपूर्ण जगाला हादरवून टाकणारी एक बातमी समोर आली आहे. अमेरिकेच्या सेंट्रल कमांडने ,”अमेरिकन सैन्याने होर्मुझच्या सामुद्रधुनीवर पुन्हा नियंत्रण मिळवण्यासाठी एक मोठी लष्करी मोहीम सुरू केली” असल्याची माहिती समोर आली आहे. या मोहिमेत इराणच्या किनारपट्टीवर असलेल्या क्षेपणास्त्र तळांना लक्ष्य करण्यात आले, ज्यामुळे या सागरी मार्गावरून प्रवास करणाऱ्या जहाजांना मोठा धोका निर्माण झाला होता. अमेरिकेचा दावा आहे की, ही इराणी जहाजविरोधी क्षेपणास्त्रे जागतिक व्यापार आणि तेल पुरवठ्यात अडथळा आणत होती. ट्रम्प यांनी बंकर बस्टर बॉम्बने विध्वंस केला Strait of Hormuz: या हल्ल्यातील सर्वात धक्कादायक बाब म्हणजे वापरलेली शस्त्रे. अहवालानुसार, अमेरिकेने ‘बंकर बस्टर’ म्हणून ओळखले जाणारे खोलवर भेदणारे बॉम्ब वापरले. या बॉम्बमध्ये जमिनीखाली खोलवर बांधलेले मजबूत काँक्रीटचे तळदेखील उद्ध्वस्त करण्याची क्षमता आहे. या युद्धादरम्यान, इराणने जगातील सर्वात महत्त्वाचा तेल मार्ग असलेल्या होर्मुझच्या सामुद्रधुनीवर ताबा मिळवला, ज्यामुळे जागतिक बाजारात तेलाच्या किमती गगनाला भिडल्या. Strait of Hormuz: राष्ट्राध्यक्ष डोनाल्ड ट्रम्प यांनी या मोहिमेसाठी नाटो देशांकडून मदतीची विनंती केली होती. तथापि, युद्धाच्या तीव्रतेच्या भीतीने ब्रिटन आणि स्पेनसारख्या जवळच्या मित्र राष्ट्रांनी माघार घेतली आहे. ५,०००-पौंड वजनाचे शस्त्र आणि त्याची शक्ती काय आहे? अमेरिकेच्या हवाई दलाने वापरलेला बॉम्ब तांत्रिकदृष्ट्या अत्यंत प्राणघातक आहे. वॉशिंग्टनस्थित एका थिंक टँकनुसार, हे ३०,०००-पौंड श्रेणीतील एक महाशक्तीशाली शस्त्र असून, त्यात ५,०००-पौंड वजनाचे स्फोटक बसवलेले आहे. हे GBU-72/B नावाने ओळखले जाते, ज्याची २०२१ मध्ये यशस्वी चाचणी घेण्यात आली होती. हा बॉम्ब विशेषतः डोंगरांमध्ये किंवा जमिनीखाली खोलवर लपलेले लष्करी तळ नष्ट करण्यासाठी तयार करण्यात आला आहे. अमेरिकेचे स्पष्ट उद्दिष्ट इराणची लष्करी क्षमता पूर्णपणे नष्ट करणे हे आहे, जी समुद्रावरील अमेरिकेच्या वर्चस्वाला आव्हान देत आहे. देशांतर्गत विरोध आणि युद्धाच्या विस्ताराचा धोका Strait of Hormuz: इराणसोबत सुरू असलेल्या युद्धामुळे अमेरिकेच्या अंतर्गतच असलेल्या भेगा उघड होऊ लागल्या आहेत. ही पहिली कारवाई नाही. यापूर्वी, जून २०२५ मध्ये, अमेरिकेने ‘ऑपरेशन मिडनाईट हॅमर’ अंतर्गत इराणच्या अणुसुविधांना लक्ष्य केले होते. मात्र, सध्याच्या हल्ल्यानंतर, राष्ट्रीय दहशतवादविरोधी केंद्राचे संचालक जो केंट यांनी आपल्या पदाचा राजीनामा देऊन सर्वांना आश्चर्यचकित केले आहे. केंट यांनी म्हटले आहे की, ते या अंतहीन युद्धाला पाठिंबा देऊ शकत नाहीत. अमेरिका हा मार्ग स्वीकारू शकेल का, की इराणचा प्रतिहल्ला संपूर्ण जगाला तिसऱ्या महायुद्धाच्या उंबरठ्यावर ढकलून देईल.
