Sambhaji Bhide |  शिवप्रतिष्ठान हिंदुस्थानचे संस्थापक संभाजी भिडे आपल्या वादग्रस्त वक्तव्यामुळे नेहमीच चर्चेत राहिले आहे. अनेकदा वादग्रस्त विधानामुळे त्यांच्यावर टीका देखील करण्यात आली आहे. यातच संभाजी भिडे यांनी छत्रपती शिवाजी महाराजांच्या 6 जूनला होणाऱ्या शिवराज्याभिषेकालाच विरोध केला आहे.

रायगडावरील 6 जूनचा शिवराज्याभिषेक सोहळा कायमस्वरूपी बरखास्त करायला पाहिजे, शिवराज्याभिषेक सोहळ्याचा राजकारणासाठी वापर होत असल्याचे संभाजी भिडे यांनी म्हटलं आहे. संभाजी यांनी कोल्हापुरात बोलताना शिवराज्यभिषेकावर भाष्य केले.

‘रायगडावरील वाघ्या कुत्र्याचा पुतळा काढू नका’ 

संभाजी भिडे यांनी तिथीप्रमाणेच छत्रपती शिवाजी महाराजांचे सर्व कार्यक्रम पार पडले पाहिजेत, असे म्हंटले आहे. यावेळी भिडे यांनी वाघ्या कुत्र्याच्या पुतळ्यावरूनही भाष्य केलं आहे. रायगडावरील वाघ्या कुत्र्याचा पुतळा काढायला नको, या कुत्र्याचं राजकारण करू नये, असे आवाहन त्यांनी केले.

इतिहासकारांच्या अभ्यासावर शंका

यावेळी त्यांनी वाघ्या कुत्र्याची इतिहासात नोंद नाही असा दावा करणाऱ्या इतिहासकारांच्या अभ्यासावर शंका व्यक्त केली आहे. इतिहास संशोधक काय उंचीचे आणि किती कुवतीचे आहेत, हे पाहिले पाहिजे. त्यासाठी स्वतंत्र संशोधन मंडळ नेमून निर्णय केला पाहिजे, असेही त्यांनी सांगितले. Sambhaji Bhide |

रायगडावर असलेली वाघ्या कुत्र्याची समाधी 31 मे पर्यंत हटवा अशी मागणी करणारं पत्र संभाजीराजे छत्रपती यांनी केली आहे. मात्र आता रायगडावर साजरा होणारा शिवराज्याभिषेक सोहळा हा ६ जून रोजी साजरा करण्याची पद्धत बंद करून हा सोहळा तिथीनुसार साजरा करावा, अशी मागणी संभाजी भिडेंनी केल्यामुळे राज्यातील वातावरण तापल आहे.  Sambhaji Bhide |

हेही वाचा:

Ladaki Bahin yojana : ‘लाडक्या बहिणीं’मुळे सरकारची दमछाक? पुन्हा आदिवासी विकास विभागाचा निधी वळवला