कटिहार (बिहार) – बिहारमधील कटिहारमध्ये वंदे एक्‍स्प्रेस ट्रेनवरही दगडफेक झाल्याची घटना नोंदवली गेली आहे ज्यात हायस्पीड ट्रेनच्या एका डब्याच्या खिडकीचे फलक खराब झाले आहेत. कटिहार जिल्ह्यातील बलरामपूर पोलिस ठाण्यांतर्गत तेलटा रेल्वे स्थानकाजवळ शुक्रवारी ही घटना घडल्याचे सांगण्यात आले.

22302 डाउन वंदे भारत एक्‍सप्रेसच्या डब्याच्या उजव्या बाजूच्या काचेच्या खिडकीचे नुकसान झाल्याचे वृत्त आहे. ही घटना दालखोला आणि तेलटा रेल्वे स्थानकांदरम्यान शुक्रवारी दुपारी 04.25 च्या सुमारास घडली.या आधीही वंदे भारत गाडीवर दगडफेकीच्या काही घटना घडल्या आहेत. 12 जानेवारी रोजी विशाखापट्टणमध्ये असाच एक प्रकार घडला होता. त्यात तीन जणांना अटक करण्यात आली आहे.

2 जानेवारी रोजी, हावडा ते न्यू जलपाईगुडी मार्गावरील ट्रेनवरही दगडफेक करण्यात आली होती, ती सुरू झाल्यानंतर अवघ्या चार दिवसांत. मालदाजवळ हावडा ते न्यू जलपायगुडीला जोडणाऱ्या रेल्वेवर दगडफेक केल्याने वंदे भारत एक्‍स्प्रेसच्या खिडक्‍यांच्या काचा फुटल्या.3 जानेवारी रोजी, दार्जिलिंगच्या फणसीडेवा परिसरात कथितपणे दोन डब्यांवर दगडफेक केल्यामुळे वंदे भारत एक्‍सप्रेस ट्रेनच्या दोन खिडक्‍यांच्या काचा फुटल्या होत्या.