Tabu : ९० च्या दशकात काही अभिनेत्रींना मोठं ग्लॅमर मिळालं त्या नावांमध्ये अभिनेत्री तब्बूचं नाव घेता येईल. या अभिनेत्रीने करिअरच्या सुरुवातीच्या काळात मोठा संघर्ष केला. ज्या चित्रपटातून तिने पदापर्ण केलं तोच चित्रपट फ्लॅाप ठरला. यानंतर तिने अजय देवगणसोबत विजयपथमध्ये स्क्रिन केली आणि त्यानंतर तिने कधी मागे वळून पाहिलेच नाही. आज तब्बू ५५ वर्षांची झाली असून तिने केलेल्या कामाची दखल घेणे महत्वाचे ठरते.

तब्बूचं खरं नाव तबस्सुम फातिमा हाशमी असं आहे. तब्बूने करिअरच्या सुरुवातीला प्रेम या चित्रपटातून डेब्यू केला. हा एक रोमँटिक चित्रपट होता. या चित्रपटाला तयार होण्यासाठी बराच मोठा काळ गेला. माध्यमांमध्ये असलेल्या माहितीनुसार, प्रेम या चित्रपटाची सुरुवात १९८७ झाली. पण चित्रपट तयार होण्यासाठी तब्बल आठ वर्षांचा काळ लोटला.

या चित्रपटातून तब्बूने अभिनेता संजय कपूर याच्यासोबत अॅानस्क्रिन रोमांन्स केला. मात्र, चित्रपटाला बॅाक्स अॅाफिसवर यश मिळवता आलं नाही. चित्रपट फ्लॅाप ठरल्यानंतर तब्बूला मोठा धक्का बसला होता. पहिलीच डेब्यू फिल्म आणि फ्लॅाप यामुळे पुढे काय होणार या विचारत असतानाच तिला विजयपथ या चित्रपटात कास्ट करण्यात आलं. हा चित्रपट बॅाक्स अॅाफिसवर तुफान हिट ठरला. अजय देवगण आणि तब्बू यांच्या अॅानस्क्रिन जोडीला प्रेक्षकांची पसंती मिळाली.

खरंतर तब्बूने वयाच्या १४ व्या वर्षी ‘हम नौजवान’ मध्ये अभिनय केला. इतक्या लहान वयात तिने चित्रपटात बलात्कार पीडितेची भूमिका साकारली होती. १९८५ मध्ये तिने देव आनंद यांच्या ‘हम नौजवान’ या चित्रपटातून बाल कलाकार म्हणून एंन्ट्री केली. काही वर्षांनंतर, १९९१ मध्ये तिने दाक्षिणात्य चित्रपटांमध्ये काम केले. तिने जीत’, ‘साजन चले ससुराल’, ‘बॉर्डर’ आणि ‘हकीकत’ विरासत’ आणि ‘हू तू तू’ यांसारख्या चित्रपटातून प्रेक्षकांच्या मनात आपलं विशेष स्थान निर्माण केलं.

१९९६ हे वर्ष तब्बूच्या कारकिर्दीत एक मोठे वळण घेऊन आले. ‘माचिस’ हा चित्रपट प्रदर्शित झाला. या चित्रपटातील भूमिकेने तिला मोठी लोकप्रियता मिळवून दिली. २०१४ मध्ये ‘हैदर’मधील तिची ‘गजाला’ ही भूमिका खूप गाजली. या भूमिकेसाठी तिला फिल्मफेअर सर्वोत्कृष्ट सहाय्यक अभिनेत्रीचा पुरस्कार मिळाला. २०१५ मध्ये ‘दृश्यम’ मध्ये साकारलेली पोलीस अधिकाऱ्याची भूमिकेमुळे तिच्या अभिनयाने चार चाँद लावले. याशिवाय रोहित शेट्टीच्या ‘गोलमाल अगेन’ ‘अंधाधून’ या चित्रपटातून तिने प्रेक्षकांचे मनोरंजन केले.

सध्या तब्बूच्या कामाच्या बाबतीत बोलायचं झाल्यास अभिनेता नागार्जुनसोबत एका मोठ्या चित्रपटात झळकणार असल्याचे सांगितले जात आहे.

Top 15 News: राष्ट्रवादीतील बैठकींचा धडाका!, पंजाबमध्ये दिवाळीनंतर राजकीय भूकंप? आणि ‘जेलर 2’ ओटीटीवर येणार, वाचा टॉप १५ बातम्या