IND vs SA 1st T20 : आजपासून टी-20 मालिकेचा थरार..! जाणून घ्या; कधी, कुठे अन् Free मध्ये कसा पाहू शकता पहिला सामना? यासह सर्व डिटेल्स एका क्लिकवर…
India vs South Africa T20 series 2024 : भारत आणि दक्षिण आफ्रिका यांच्यातील टी-20 मालिकेतील पहिला सामना आज रात्री (शुक्रवार,8 नोव्हेंबर) डर्बनमध्ये खेळवला जाणार आहे. यासाठी सूर्यकुमार यादवच्या नेतृत्वाखालील टीम इंडिया पूर्णपणे तयार आहे. अभिषेक शर्मा आणि टिळक वर्मासह भारत रिंकू सिंगचा प्लेईंग इलेव्हनमध्ये समावेश करू शकतो. विशेष म्हणजे चाहत्यांना हा सामना मोफत पाहता येणार आहे. भारत-दक्षिण आफ्रिका सामना टीव्हीवर तसेच मोबाईल ॲपवर पाहता येईल.
भारत-दक्षिण आफ्रिका सामना भारतीय वेळेनुसार आज रात्री 8.30 पासून खेळवला जाईल. लोकल टाईम झोनबद्दल बोलायचे झाले तर ते संध्याकाळी 5 वाजल्यापासून सुरू होईल. स्थानिक वेळ क्षेत्र दक्षिण आफ्रिकेचा मानला जाईल, कारण हा सामना त्या देशात खेळला जाईल. भारत आणि दक्षिण आफ्रिका यांच्यात चार सामन्यांची टी-20 मालिका होणार आहे. त्याचा पहिला सामना शुक्रवारी डर्बनमधील किंग्समीड येथे होणार आहे.
चाहत्यांना विनामूल्य पाहता येईल सामना…
चाहत्यांना भारत-दक्षिण आफ्रिका सामना विनामूल्य पाहता येणार आहे. मात्र यासाठी तुम्हाला तुमच्या स्मार्टफोनमध्ये Jio ॲप डाउनलोड करावे लागेल. भारत-दक्षिण आफ्रिका सामन्याचे लाईव्ह स्ट्रीमिंग जिओ सिनेमा ॲपवर होईल. यासाठी कोणत्याही प्रकारचे शुल्क भरावे लागणार नाही. प्रेक्षकांना टीव्हीवरही सामना पाहता येणार आहे. त्याचे थेट प्रक्षेपण स्पोर्ट्स 18 या टीव्ही चॅनलवर होईल.
संजू सॅमसन व अभिषेक शर्मा ….
दरम्यान, भारतीय संघ बदलांच्या उंबरठ्यावर असताना संजू सॅमसन व अभिषेक शर्मा हे दुसऱ्या फळीतील खेळाडू शुक्रवारपासून दक्षिण आफ्रिकेविरुद्ध सुरु होणाऱ्या चार सामान्यांच्या टी-२० मालिकेत चमकदार कामगिरी करण्यासाठी उत्सुक असणार आहेत. या स्पर्धेत त्यांची चमकदार कामगिरीच त्यांच्यासाठी राष्ट्रीय संघाचे दार उघडणार आहेत. अभिषेक शर्मासाठी देखील ही मालिका महत्वाची असणार आहे. जुलैमध्ये त्याने झिम्बाब्वेविरुद्ध हरारेमध्ये खेळताना शतक झळकावले होते. मात्र त्यानंतर त्याचा धावांसाठी संघर्ष सुरूच आहे. भारताचा कसोटी कर्णधार असलेल्या रोहित शर्माने टी-२० क्रिकेटमधून निवृत्ती घेतली आहे. त्यामुळे संजू सॅमसनला बांगलादेश विरुद्धच्या मालिकेत डावाची सुरुवात करण्याची संधी मिळाली. त्याने दुसऱ्या लढतीमध्ये ४७ चेंडूत धडाकेबाज १११ धावांची खेळी करून संघ व्यवस्थापनाचा निर्णय योग्य ठरविला होता. त्यामुळे दक्षिण आफ्रिकेविरुद्धच्या मालिकेत काही चांगल्या खेळी करून राष्ट्रीय संघातील स्थान पक्के करण्याचा सॅमसनचा प्रयत्न असणार आहे.
हेड-टू-हेड रिकॉर्ड
टी-20I मध्ये हेड टू हेड रेकॉर्डमध्ये भारतीय संघाचा दक्षिण आफ्रिकेविरुद्ध वर्चस्व दिसून येते . भारत आणि दक्षिण आफ्रिका यांच्यात आतापर्यंत एकूण 27 टी-20 सामने खेळले गेले आहेत. भारताने 15 सामने जिंकले आहेत तर दक्षिण आफ्रिकेने 11 वेळा विजय मिळवला आहे. एका सामन्याचा निकाल लागला नाही. उभय संघांमधला शेवटचा सामना 2024 च्या T20 विश्वचषक स्पर्धेच्या अंतिम फेरीत झाला होता ज्यात भारताने जिंकून विजेतेपदावर कब्जा केला होता.
संघ खालीलप्रमाणे….
भारत : सूर्यकुमार यादव (कर्णधार), अभिषेक शर्मा, संजू सॅमसन (यष्टीरक्षक), रिंकू सिंग, तिलक वर्मा, जितेश शर्मा (यष्टीरक्षक), हार्दिक पंड्या, अक्षर पटेल, रमणदीप सिंग, वरुण चक्रवर्ती, रवी बिश्नोई, अर्शदीप सिंग, विजयकुमार विशाख, आवेश खान, यश दयाल.
दक्षिण आफ्रिका : एडन मार्कराम (कर्णधार), ओटनील बार्टमन, गेराल्ड कोएत्झी, डोनोव्हन फरेरा, रीझा हेंड्रिक्स, मार्को जॅन्सन, हेनरिक क्लासेन, पॅट्रिक क्रुगर, केशव महाराज, डेव्हिड मिलर, मिहलाली एमपोंगवाना, नकाबा पीटर, रायन रिकेल्टन, लुई सिमेला, लुई सिमेला (तीसरा आणि चौथा सामना), आणि ट्रिस्टन स्टब्स.
