Maharashtra Rain : दक्षिण-पूर्व राजस्थान आणि लगतच्या उत्तर गुजरातवर निर्माण झालेल्या कमी दाबाच्या क्षेत्रामुळे गुजरात, सौराष्ट्र आणि कच्छ भागात जोरदार पावसाचाइशारा भारतीय हवामान विभागाने दिला आहे. (Maharashtra Rain)

दरम्यान, १९ सप्टेंबर २०२६ च्या आसपास पश्चिम राजस्थानच्या काही भागांतून नैऋत्य मान्सूनच्या परतीचा प्रवास सुरू होण्यासाठी पोषक वातावरण तयार होत असल्याचेही हवामान विभागाने स्पष्ट केले आहे. (Maharashtra Rain)

हवामान विभागाने जारी केलेल्या प्रसिद्धीपत्रकानुसार, दक्षिण-पश्चिम मध्य प्रदेश परिसरात निर्माण झालेले कमी दाबाचे क्षेत्र पुढे सरकून दक्षिण-पूर्व राजस्थान आणि उत्तर गुजरातवर स्थिरावले आहे. (Maharashtra Rain)

या कमी दाबाच्या क्षेत्राशी संबंधित चक्रीय वाऱ्यांची स्थिती झारखंड, मध्य प्रदेश आणि उत्तर छत्तीसगडपर्यंत विस्तारलेली आहे. याशिवाय, उत्तर-पश्चिम बंगालच्या उपसागरासह ओडिशा आणि पश्चिम बंगालच्या किनारपट्टीवरही हवेच्या वरच्या थरात चक्रीय वारे सक्रिय आहेत. (Maharashtra Rain)

कमी दाबाच्या प्रभावामुळे सौराष्ट्र आणि कच्छमध्ये काही ठिकाणी अतिमुसळधार ते अत्यंत मुसळधार पावसाची शक्यता आहे. तसेच कच्छ, मोरबी, जामनगर, देवभूमी द्वारका, पोरबंदर, जुनागढ, गिर सोमनाथ आणि राजकोट जिल्ह्यांतील पाणलोट क्षेत्रांमध्ये अचानक पूर येण्याचा धोका वर्तवण्यात आला आहे. (Maharashtra Rain)

मध्य महाराष्ट्रात काही ठिकाणी मुसळधार पावसाची शक्यता वर्तवण्यात आली आहे. कोकण आणि गोव्यात १४ ते १६ सप्टेंबरदरम्यान अनेक भागांत पावसाचा जोर राहील, तर विदर्भात १४ आणि १५ सप्टेंबर रोजी व्यापक स्वरूपाचा पाऊस पडण्याचा अंदाज आहे. (Maharashtra Rain)

मराठवाड्यात मात्र पुढील काही दिवस हलक्या ते तुरळक सरींची शक्यता आहे. या वर्षी देशात मान्सून सरासरीच्या खूप कमी ८४ टक्के इतका पाऊस झाला आहे. त्यामुळे देशाच्या ३९ टक्के भू-भागावर दुष्काळसदृश स्थिती आहे. (Maharashtra Rain)

सप्टेंबरमध्ये परतीच्या पावसाकडून अपेक्षा असतानाच १९ सप्टेंबर रोजी मान्सून राजस्थानातून माघारी फिरणार असल्याची घोषणा हवामान विभागाने केली आहे. (Maharashtra Rain)

Maharashtra rain : महाराष्ट्रावर पावसाचे ढग; 30 जिल्ह्यांना अलर्ट, ‘या’ भागात दमदार पावसाचा इशारा

Maharashtra Rain Update : राज्यात पावसाने दिली ओढ; कोरडे आणि दमट वातावरण राहण्याची शक्यता