South Indian Richest Actress : बॉलिवूडप्रमाणेच साउथ इंडियन सिनेसृष्टीतही अनेक अभिनेत्री प्रचंड लोकप्रिय असून त्या कोट्यवधींच्या मालक आहेत. अभिनयासोबतच कमाईच्या बाबतीतही या अभिनेत्री कोणत्याही अभिनेत्यापेक्षा कमी नाहीत. जाणून घेऊया साउथमधील सात सर्वात श्रीमंत अभिनेत्री आणि त्यांची अंदाजे संपत्ती. नयनतारा साउथ सिनेमातील ‘लेडी सुपरस्टार’ म्हणून ओळखल्या जाणाऱ्या नयनतारा एका चित्रपटासाठी १० ते १५ कोटी रुपये मानधन घेतात. मुंबई, हैदराबाद आणि तामिळनाडूत त्यांची आलिशान घरे आहेत. खासगी जेटसुद्धा त्यांच्या मालकीचा आहे. ब्रँड जाहिराती आणि व्यवसायातूनही त्या मोठी कमाई करतात. त्यांची एकूण संपत्ती सुमारे १८३ ते २०० कोटी रुपये आहे. अनुष्का शेट्टी ‘बाहुबली’मुळे देशभरात प्रसिद्ध झालेल्या अनुष्का शेट्टी एका चित्रपटासाठी ५ ते ७ कोटी रुपये घेतात. हैदराबादमध्ये आलिशान घर, फार्महाऊस आणि महागड्या गाड्या त्यांच्या नावावर आहेत. त्यांची अंदाजे नेटवर्थ सुमारे १३० कोटी रुपये आहे. तमन्ना भाटिया तमन्ना तेलुगू, तमिळ आणि हिंदी चित्रपटांत सक्रिय आहे. ती एका चित्रपटासाठी ४ ते ८ कोटी रुपये मानधन घेते. ब्रँड एंडोर्समेंटमधूनही तिची मोठी कमाई होते. मुंबईसह इतर ठिकाणी तिची लक्झरी घरे आहेत. तिची एकूण संपत्ती ११० ते १२० कोटी रुपयांच्या आसपास आहे. सामंथा रुथ प्रभु तेलुगू आणि तमिळ सिनेमातील लोकप्रिय अभिनेत्री सामंथा चित्रपट आणि वेब सीरिजसाठी ३ ते १० कोटी रुपये मानधन घेते. हैदराबाद आणि मुंबईत तिची घरे आहेत. तिची नेटवर्थ अंदाजे १०० ते ११० कोटी रुपये आहे. तृषा कृष्णन तमिळ आणि तेलुगू सिनेमातील अनुभवी अभिनेत्री तृषा एका चित्रपटासाठी ३ ते १२ कोटी रुपये घेते. चेन्नई आणि हैदराबादमध्ये तिची आलिशान घरे आणि महागड्या गाड्या आहेत. तिची एकूण संपत्ती सुमारे ८५ कोटी रुपये आहे. रश्मिका मंदाना ‘नॅशनल क्रश’ म्हणून ओळखली जाणारी रश्मिका साउथसोबत बॉलिवूडमध्येही लोकप्रिय आहे. ती एका चित्रपटासाठी ४ ते १० कोटी रुपये मानधन घेते. तिची अंदाजे संपत्ती सुमारे ६६ कोटी रुपये आहे. साई पल्लवी नैसर्गिक अभिनयासाठी ओळखली जाणारी साई पल्लवी एका चित्रपटासाठी ३ ते ६ कोटी रुपये मानधन घेते. कोयंबटूरमध्ये तिचे घर आहे. तिची एकूण नेटवर्थ ४५ ते ५० कोटी रुपयांच्या आसपास आहे. या अभिनेत्रींची ही यादी साउथ सिनेसृष्टीतील त्यांची लोकप्रियता आणि यश स्पष्टपणे दाखवते.
