मुंबई  : बाहुबलीची देवसेना म्हणजेच साऊथची सुपरहिट अभिनेत्री अनुष्का शेट्टी हिने आजपर्यंत कोणत्याही बॉलीवूड चित्रपटात काम केलेले नाही आणि तिला तसे करण्याची इच्छाही नाही, पण तरीही तिच्या केवळ एका चित्रपटाने तिची देशात आणि जगात अशी ओळख निर्माण केली आहे.

 

Anushka Shetty recent clicks. Lost all hope 🥺 pic.twitter.com/6VTZvzsTxQ

— Glamfeed (@glamfeed) February 18, 2023

 

बाहुबली या ब्लॉकबस्टर चित्रपटात देवसेनाची भूमिका साकारून अनुष्का सर्वांची आवडती बनली होती. बाहुबली सीन असो किंवा चित्रपटातील तिची एन्ट्रीचा सीन असो, अनुष्काच्या चाहत्यांच्या डोळ्यात तोच लूक आहे. अशात जेव्हा अनुष्का नुकतीच एका मंदिरात स्पॉट झाली तेव्हा तिचा बदललेला लूक पाहून चाहते आश्चर्यचकित झाले.

अनुष्का शेट्टीचे नवे फोटो सोशल मीडियावर व्हायरल होत आहेत. अनुष्का एका मंदिरात पांढऱ्या सलवार सूटमध्ये, कानात झुमके घालून, केस उघडे ठेवून बसलेली दिसते. यादरम्यान ती पूर्वीपेक्षा खूपच बदललेली दिसत आहे. अनुष्काने खूप वजन वाढवल्याचे स्पष्ट दिसत आहे. बाहुबलीची अनुष्का आणि आजची अनुष्का यात खूप बदल झालेला पाहायला मिळतो.

या फोटोंवर अनुष्काचे चाहते विविध कमेंट करत आहेत. तिच्या बदललेल्या लूकवर कमेंट करताना एक चाहता तिला वजन कमी करण्याचा सल्ला देताना दिसला, तर काही चाहते तिचा बचाव करताना दिसले आणि अनुष्का प्रत्येक प्रकारे चांगली दिसते.