Sourav Ganguly Files Police Complaint Against Facebook Fan Page Defamation : भारतीय क्रिकेट संघाचा माजी कर्णधार आणि बीसीसीआयचा माजी अध्यक्ष सौरव गांगुलीने (Sourav Ganguly ) आपली प्रतिमा डागाळण्याचा प्रयत्न केल्याप्रकरणी थेट पोलिसांचे दार ठोठावले आहे. सोशल मीडियावर सातत्याने आक्षेपार्ह, अपमानकारक आणि दिशाभूल करणाऱ्या पोस्ट टाकून आपली प्रतिष्ठा खराब केली जात असल्याचा आरोप गांगुलीने केला आहे. याप्रकरणी त्याने कोलकाता येथील ठाकूरपुकुर पोलीस ठाण्यात लेखी तक्रार दाखल केली असून, दोषींवर कडक कायदेशीर कारवाई करण्याची मागणी केली आहे.

३६ लाख फॉलोअर्स असलेल्या फेसबुक पेजवर गंभीर आरोप –   (Sourav Ganguly Complaint)

सौरव गांगुलीने आपल्या तक्रारीत मुख्यत्वे ‘Sourav Ganguly Fans’ नावाच्या एका मोठ्या फेसबुक पेजचा उल्लेख केला आहे. या पेजचे ३६ लाखांहून अधिक फॉलोअर्स आहेत आणि हा गांगुलीचे अधिकृत फॅन पेज असल्याचा दावा केला जातो. तक्रारीनुसार, या पेजवरून सातत्याने गांगुलीविरोधात नकारात्मक वातावरण निर्माण करणाऱ्या पोस्ट केल्या जात आहेत.

“एक सार्वजनिक व्यक्ती (Public Figure) म्हणून मी लोकांचे मत आणि टीका समजू शकतो, तो सार्वजनिक जीवनाचा भाग आहे. परंतु, माझी प्रतिमा खराब करण्याच्या उद्देशाने दिशाभूल करणारे आणि मानहानीकारक कंटेंट पसरवणे खपवून घेतले जाणार नाही,” असे गांगुलीने स्पष्ट केले आहे.  (Sourav Ganguly Complaint)

Former India captain Sourav Ganguly has lodged a police complaint with Thakurpukur Police Station over alleged defamatory content being circulated on social media. The complaint is directed against an unofficial Facebook page named “Sourav Ganguly Fans” and also mentions media… pic.twitter.com/r9wDUikZIm

— IndiaToday (@IndiaToday) June 16, 2026

ममता बॅनर्जी आणि युसूफ पठाण वाद; गांगुलीने सांगितले सत्य!  (Sourav Ganguly Complaint)

काही दिवसांपूर्वी राजकीय वर्तुळात आणि मीडियामध्ये एक मोठी चर्चा रंगली होती. पश्चिम बंगालच्या मुख्यमंत्री ममता बॅनर्जी यांनी सौरव गांगुलीमार्फत बहरामपूरचे खासदार युसूफ पठाण यांना राजीनामा देण्याचा निरोप पाठवला होता, जेणेकरून ममता स्वतः तिथून पोटनिवडणूक लढवू शकतील, असा दावा काही वृत्तांमध्ये करण्यात आला होता.

हेही वाचा – Tilak Varma Argument : भारत-श्रीलंका सामन्यात तुफान राडा! तिलक वर्माचा अंपायरशी अन् वैभवचा श्रीलंकेच्या खेळाडूशी झाला वाद, पाहा VIDEO

या गंभीर वादावर अखेर सौरव गांगुलीने मौन सोडले असून सर्व आरोप फेटाळून लावले आहेत. “ममता बॅनर्जी यांनी मला असा कोणताही निरोप दिलेला नाही आणि मी युसूफ पठाण यांच्याशी संपर्कही साधलेला नाही,” असे गांगुलीने स्पष्ट केले. स्वतः खासदार युसूफ पठाण यांनीही या बातम्या पूर्णपणे खोट्या आणि बनावट असल्याचे म्हटले आहे. सध्या पोलीस गांगुलीच्या तक्रारीवरून फेसबुक पेज चालवणाऱ्यांचा शोध घेत आहेत.  (Sourav Ganguly Complaint)