Sophie Devine Record in WPL 2026 : महिला प्रीमियर लीगच्या चौथ्या हंगामात रविवारी एक खळबळजनक विक्रम पाहायला मिळाला. दिल्ली कॅपिटल्सची अनुभवी अष्टपैलू खेळाडू स्नेह राणा हिच्या नावावर डब्लूपीएलच्या इतिहासातील सर्वात महागड्या षटकाची नोंद झाली आहे. गुजरात जायंट्सची धडाकेबाज फलंदाज सोफी डिव्हाइन हिने स्नेह राणाच्या एकाच षटकात तब्बल ३२ धावा कुटून काढल्या.

मैदानात सोफी डिवाइनचं वादळ!

डॉ. डी. वाय. पाटील स्टेडियमवर झालेल्या या सामन्यात पॉवरप्लेच्या शेवटच्या षटकात (सहावे षटक) हा प्रकार घडला. स्नेह राणाच्या गोलंदाजीवर सोफी डिव्हाइनने सर्व ६ चेंडूंवर सीमापार फटके लगावले.

सोफी डिवाइन के लिए दिल दहला देने वाला पल 💔

जहां हम सब विराट कोहली और भारतीय टीम की बल्लेबाजी देखने में व्यस्त हैं, वहीं सोफी डिवाइन ने डब्ल्यूपीएल में सिर्फ 42 गेंदों में 95 रन बनाए। उन्होंने स्नेह राणा के एक ओवर में 32 रन भी बनाए। – 4, 4, 6, 6, 6, 6🤩#SophieDevine #WPL pic.twitter.com/Ey7y8iaK5e

— राणसिंह राजपुरोहित (@ransinghBJP) January 11, 2026

• पहिले २ चेंडू: शानदार फ्लिक आणि कट शॉटच्या मदतीने सलग दोन चौकार.
• पुढील ३ चेंडू: सोफीने आक्रमक पवित्रा घेत सलग तीन उत्तुंग षटकार खेचले.
• अंतिम चेंडू: स्नेह राणाने दबावात येऊन टाकलेल्या फुल टॉसवर सोफीने चौकार मारून षटकाचा शेवट केला.

या सामन्यात सोफी डिव्हाइनने अवघ्या ४२ चेंडूंत ९५ धावांची (८ षटकार, ७ चौकार) तुफानी खेळी केली.

हेही वाचा – IND vs NZ : नव्या वर्षाचा नवा धमाका! विराटच्या ९३ धावा अन् केएल राहुलचा ‘फिनिशिंग टच’; भारताची न्यूझीलंडवर मात

डब्ल्यूपीएल इतिहासातील सर्वात महागडी षटके:

धावा	गोलंदाज	संघ	विरुद्ध	वर्ष
३२	स्नेह राणा	दिल्ली कॅपिटल्स	गुजरात जायंट्स	२०२६
२८	दीप्ती शर्मा	यूपी वॉरियर्झ	आरसीबी	२०२५
२७	तनुजा कंवर	गुजरात जायंट्स	आरसीबी	२०२३

हेही वाचा – Rohit Virat Entry : वडोदऱ्यात ‘रो-को’चे जंगी स्वागत! कपाटातून झाली रोहित-विराटची अनबॉक्सिंग एन्ट्री; पाहा VIDEO

पॉवरप्लेमध्ये पाडला धावांचा पाऊस –

सोफी डिवाइनच्या या फटकेबाजीमुळे गुजरात जायंट्सने पॉवरप्लेच्या ६ षटकांत बिनबाद ८० धावा कुटल्या. डब्लूपीएलच्या इतिहासातील पॉवरप्लेमधील हा दुसरा सर्वोच्च स्कोर ठरला आहे. २०२३ मध्ये दिल्लीने गुजरातविरुद्ध ८७ धावा केल्या होत्या, जो आतापर्यंतचा विक्रम आहे.