Sonia Gandhi : कॉंग्रेसच्या माजी अध्यक्षा सोनिया गांधी (Sonia Gandhi) यांचे आत्मचरित्र लवकरच अमेरिकेत प्रकाशित केले जाणार आहे. या आत्मचरित्रामध्ये सोनिया गांधींच्या आयुष्यातील चढउतारांबद्दल खुलासे केले जाणार आहेत. नेहरू-गांधी राजकीय कुटुंबामध्ये विवाह झाल्यानंतर ज्या आव्हानांचा सामना त्यांना करावा लागला, त्यावरही प्रकाश टाकला जाणार आहे.

बिलोंगिंग – अ जर्नी ऑफ लव्ह असे या आत्मचरित्राचे नाव असून न्यूयॉर्कस्थित लेखल अल्फ्रेड नॉफ यांनी या चरित्राचे लेखन केले आहे. दिनांक १० नोव्हेंबर रोजी हे आत्मचरित्र प्रकाशित होणार असल्याचे नॉफ यांनी म्हटले आहे.

माझ्या कुटुंबाबद्दल बरेच काही लिहिले गेले आहे, परंतु त्यांच्या प्रेरणा, त्यांच्या कृती आणि त्यांच्यातील मानवी दोषांमागील सत्यापर्यंत पोहोचणारे कथन फार कमी होते, असे सोनिया गांधी (Sonia Gandhi) यांनी नॉफ यांच्यामार्फत जारी केलेल्या निवेदनात म्हटले आहे.

सोनिया गांधी या मूळच्या इटलीच्या असून त्या इंग्लंडमधील केंब्रिजमध्ये शिक्षण घेत असताना त्यांची भेट राजीव गांधी यांच्याशी झाली, ते भारताचे पहिले पंतप्रधान जवाहरलाल नेहरू यांचे नातू आणि भारताच्या पहिल्या महिला पंतप्रधान इंदिरा गांधी यांचे पुत्र होते.

इंदिरा गांधी यांची हत्या, पती राजीव गांधी यांचा राजकीय प्रवास, नंतर त्यांचीही झालेली हत्या, सोनिया यांचा राजकारणातील प्रवेश आणि दीर्घकाळापर्यंत कॉंग्रेसचे अध्यक्षपदाची कारकिर्द या सर्व घटनांबाबत या आत्मचरित्रामध्ये सोनिया गांधींनी (Sonia Gandhi) आपली भूमिका मांडली आहे. शेवटी अध्यक्षपद सोडणे आणि पंतप्रधानपद नाकारण्याच्या निर्णयामागील भूमिकेहीचाही त्यामध्ये समावेश असणार आहे.