Sonia Gandhi : काँग्रेसच्या माजी अध्यक्षा सोनिया गांधी यांनी केंद्रातील भाजप सरकारवर निशाणा साधताना, गेल्या १२ वर्षांत देशाची लोकशाही रचना, संस्था आणि सामाजिक जडणघडण यांना मोठे नुकसान झाले आहे. मात्र, आता लोकांना या नुकसानीची जाणीव होऊ लागली आहे आणि सध्याच्या परिस्थितीबद्दल त्यांची अस्वस्थता वाढत आहे.” असे म्हटले आहे.

त्यासोबतच त्यांनी , “सरकार बदलल्यानंतर देशात सुशासन परत येईल, अशी आशा त्यांनी व्यक्त केली, परंतु लोकशाही संस्था पुन्हा मजबूत करण्यासाठी वेळ आणि राजकीय पक्षांच्या सामूहिक प्रयत्नांची आवश्यकता असेल.” असेही त्यांनी यावेळी म्हटले आहे.

विरोधी पक्षांच्या एकतेबाबत त्या म्हणाल्या की, काँग्रेस समविचारी पक्षांसोबत मिळून काम करत आहे आणि त्यांच्या यशाची शक्यता दिवसेंदिवस सुधारत आहे.

 पुस्तकाच्या प्रकाशनापूर्वी सोनिया गांधी मनमोकळेपणाने बोलल्या Sonia Gandhi :

सोनिया गांधी यांनी एका इंग्रजी वृत्तपत्राला दिलेल्या मुलाखतीत मनमोकळेपणाने आपले विचार मांडले. ही मुलाखत त्यांच्या आगामी ‘बिलॉन्गिंग: अ जर्नी ऑफ लव्ह’ या पुस्तकाच्या प्रकाशनापूर्वी आली आहे, जे १० नोव्हेंबर रोजी हार्परकॉलिन्स इंडियातर्फे प्रकाशित होणार आहे.

यामध्ये त्यांनी आपले वैयक्तिक आयुष्य, भारताशी असलेले नाते, आपला राजकीय प्रवास, काँग्रेस पक्ष आणि देशातील सध्याच्या राजकीय परिस्थितीवर भाष्य केले आहे.

सरकार गेल्यानंतरही झालेले नुकसान भरून काढायला वेळ लागेल

सोनिया गांधी म्हणाल्या की, गेल्या १२ वर्षांनी देशाची लोकशाही, संस्था आणि सामाजिक रचनेला खोलवर धक्का पोहोचवला आहे. त्यांचा विश्वास आहे की, जनतेला आता या नुकसानीची जाणीव होऊ लागली आहे आणि सध्याच्या परिस्थितीबद्दल त्यांची अस्वस्थता वाढत आहे.

त्या पुढे म्हणाल्या की, सरकार बदलल्यानंतरही लोकशाही व्यवस्था आणि संस्थांना पूर्वीचे आरोग्य परत मिळवून देण्यासाठी वेळ लागेल. हे साध्य करण्यासाठी राजकीय पक्षांना गंभीर प्रयत्न करावे लागतील. असे असूनही, त्या देशाच्या भविष्याबद्दल आशावादी आहेत आणि त्यांना विश्वास आहे की, चांगल्या शासनाच्या पुनरागमनाचे जनता स्वागत करेल.

निवडणूक आयोग आणि माध्यमांवर सरकारी नियंत्रणाचे आरोप
काँग्रेस पक्षाच्या सध्याच्या परिस्थितीबद्दल निराशा व्यक्त करण्याऐवजी, सोनिया गांधी यांनी पक्षाचा संघर्ष आणि ताकद अधोरेखित केली. त्या म्हणाल्या की, केंद्रात सध्याचे सरकार सत्तेवर आल्यापासून विरोधी पक्षांना निवडणुका लढवण्याची समान संधी नाकारली जात आहे.

सर्व संस्थांवर, विशेषतः निवडणूक आयोगावर सरकारचे पूर्ण नियंत्रण आहे. मुख्य प्रवाहातील माध्यमेही त्यांच्या प्रभावाखाली आहेत. इतकेच नाही, तर पैशाची ताकद आणि धर्माचा वापर राजकीय लढतींवर प्रभाव टाकत आहे.

त्या म्हणाल्या की, या परिस्थिती असूनही काँग्रेस पक्षाचा संघर्ष सुरूच आहे. पक्षाचे कार्यकर्ते आणि नेत्यांनी सर्व प्रकारच्या आव्हानांना आणि दडपशाहीला तोंड दिले आहे, परंतु गावापासून जिल्ह्यापर्यंत ते संविधानात नमूद केलेल्या मूल्यांचे रक्षण करण्यासाठी ठाम आहेत.

सोनिया गांधी यांच्या मते, गेल्या काही महिन्यांत अनेक निवडणुकांमध्ये गैरप्रकार आणि निवडणूक चोरीचे प्रकार समोर आले आहेत, ज्यामुळे लोक पूर्वीपेक्षा अधिक जागरूक झाले आहेत.

समान विचारसरणीच्या पक्षांसोबत काँग्रेसचे काम
विरोधी आघाडी आणि काँग्रेस पक्षाच्या राजकीय भवितव्याबद्दल बोलताना सोनिया गांधी म्हणाल्या की, पक्ष समान विचारसरणीच्या पक्षांसोबत काम करत आहे. सध्याच्या राजकीय परिस्थितीत काँग्रेसने ज्या प्रकारे स्वतःला सांभाळले आहे, ते पक्षाची ताकद दर्शवते, असे त्यांना वाटते. त्यांनी पुढे सांगितले की, पक्षाचे भवितव्य दिवसेंदिवस सुधारत आहे.