Sunidhi Chauhan |  ‘अवकारिका’ या आगामी मराठी चित्रपटातील पहिले गाणे ‘फादर्स डे’ निमित्त प्रदर्शित झाले आहे. या गाण्याच्या निमित्ताने बॉलिवूडची प्रसिद्ध गायिका सुनीधी चौहान मराठी रसिकांच्या भेटीला आली आहे. सध्या या गाण्याला प्रेक्षकांचा भरभरून प्रतिसाद मिळत आहे.

या गाण्याचे लेखन, दिग्दर्शन आणि गीतलेखन सीए अरविंद भोसले यांनी केले असून, गाण्याला संगीतकार श्रेयस देशपांडे यांनी श्रवणीय चालीने सजवले आहे. गाण्यात अभिनय केलेल्या कलाकारांमध्ये विराट मडके, रोहित पवार, पीया कुसुम्बकर, स्नेहा बळपांडे, नितीन लोंधे, वैभवी कुटे आणि उन्नती माने यांचा समावेश आहे.

सर्व कलाकारांनी आपापल्या भूमिकेतून गाण्याला अधिक भावनिक ठरवले आहे. हे गाणं रेडबड म्युझिक या युट्यूब चॅनेल वर प्रदर्शित झाले आहे. ‘अवकारिका ’ चित्रपट आणि त्यातील हे गाणं नक्कीच रसिकांच्या हृदयात स्थान मिळवेल, असा विश्वास व्यक्त केला जात आहे.

गाण्याच्या तांत्रिक बाजूंवर एक नजर

मिक्सिंग: तनमय संचेती
गिटार: विकी हजेरी
व्हायोलिन: अवधूत राहाळकर, दर्शित घरत
सारंगी: गुलाब नवासकर
रेकॉर्डिस्ट: तनय गज्जर