![\"Sonam](\"https://axrmzc5ulsbu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/07/Sonam-Wangchuk.jpg\")
Amit Thackeray : “सोनम वांगचुक उपोषण करतायत आणि त्यांच्यासमोर नृत्य, नाटके…”; अमित ठाकरेंनी अभिजीत दिपकेला सुनावले
Amit Thackeray : 'अभिजित दीपकेंनी आंदोलनाचे सगळे गांभीर्यच घालवले'
Amit Thackeray : शिक्षणतज्ज्ञ आणि हवामान कार्यकर्ते सोनम वांगचुक यांच्या जंतर मंतर येथील उपोषणाचा आज 18 वा दिवस आहे. त्यांच्या प्रकृती दिवसेंदिवस खराब होत आहे. केंद्रीय मंत्री धर्मेंद्र प्रधान यांच्या राजीनामाच्या मागणीसाठी दिल्लीतील जंतर मंतर मैदानात सोनम वांगचुक उपोषण करत आहे. वांगचुक २८ जून रोजी या आंदोलनात सामील झाले आणि तेव्हापासून ते अनिश्चित काळासाठी उपोषणावर आहेत.
परंतु त्यांची तब्येत ढासळत असताना देखील अद्यापही सरकारच्या वतीने कोणी प्रतिनिधी जंतर मंतर येथे पोहोचलेला नाही. यावरून विरोधक सरकारवर टीका करत आहेत. महाराष्ट्र नवनिर्माण सेनेचे नेते अमित ठाकरे यांनी देखील या सर्व घडामोडींवर आपली प्रतिक्रिया दिली आहे. तसेच त्यांनी ‘कॉकरोच जनता पार्टी’चे अभिजित दीपके यांच्या वागणुकीवर टीका केली आहे. अमित ठाकरे यांनी सोनम वांगचुक यांना पाठिंबा दर्शवला असून, अभिजित दीपकेवर निशाणा साधला.
“सोनम वांगचुक यांना संपूर्ण पाठिंबा पण दिपके ला पाठिंबा नाही ! “
– अमित राजसाहेब ठाकरे #MNSAdhikrut #MNVSAdhikrut pic.twitter.com/bjIFstj85C
— MNS Adhikrut – मनसे अधिकृत (@mnsadhikrut) July 14, 2026
पत्रकांसोबत बोलताना अमित ठाकरे म्हणाले की, “सोनम वांगचुक यांना माझा पाठिंबा आहे पण, अभिजित दीपकेंना माझा पाठिंबा नाही. सोनम वांगचुक उपोषण करत आहेत आणि ज्या पद्धतीने त्यांच्यासमोर रिल्स काढले जातात, नृत्य केले जात आहे, नाटके केली जात आहेत हे योग्य नाही. सुरुवातीला आंदोलन सुरू केल्यानंतर मला ते खूप आवडले होते, धर्मेद्र प्रधान यांचा राजीनामा व्हायलाच हवा. पण, ज्या पद्धतीने या आंदोलनाचे गांभीर्य घालवले ते मला पटले नाही.”
Sonam Wangchuk:
काँग्रेसच्या काळात अगोदर असे दिसत नव्हते…
“हे आंदोलन अशा पद्धतीने वाया जायला नको, सरकार कोणत्याही पद्धतीने लक्ष देत नाही, जबाबदारी स्वीकारत नाही. काँग्रेसच्या काळात अगोदर असे दिसत नव्हते, कोणीतरी दखल घेण्यासाठी जात होते. सोनम वांगचुक यांचे काही बरे-वाईट झाल्यास सर्वांना जबाबदार धरायला हवे, मी पक्ष म्हणून भूमिका मांडत नाही. देशातील जनतेने सोनम वांगचुक यांच्या मागे उभे राहायला हवे,” असे आवाहनही अमित ठाकरे यांनी केले.
पुढे ते म्हणाले, “अभिजित दीपके देशासाठी रस्त्यावर उतरले असतील तर ते दिसले पाहिजे तुम्ही नाटके करू शकत नाही. २० जणांचा मृत्यू झाला असून, हे आंदोलन गांभीर्याने व्हायला हवे. पण अभिजित दीपकेंनी आंदोलनाचे सगळे गांभीर्यच घालवले. त्यांचे सोशल मीडियावरील फॉलोवर्स असलेले दोन कोटीपैकी एक लाख लोक पण तिथे आले नाहीत,” असे म्हणत अमित ठाकरेंनी दिपकेंच्या वागणुकीवर नाराजी व्यक्त केली.
हेही वाचा:
Satara: राज्य सरोगसी व सहाय्यक प्रजनन तंत्र मंडळाच्या सदस्यपदी डॉ. समता माने
