Sonakshi Sinha Zaheer Iqbal: ‘मेलोडी’ ट्रेंडमध्ये सोनाक्षी-जहीरची एंट्री; चाहत्यांकडून लाइक्सचा पाऊस
Sonakshi Sinha Zaheer Iqbal: सोनाक्षी आणि जहीर सोशल मीडियावर नेहमीच त्यांच्या मजेशीर आणि रोमँटिक पोस्टमुळे चर्चेत असतात. दोघेही अनेकदा एकमेकांसोबतचे व्हिडीओ आणि फोटो शेअर करत असतात. त्यामुळे त्यांच्या चाहत्यांनाही त्यांच्या पोस्टची उत्सुकता असते. या नव्या व्हिडीओमुळे पुन्हा एकदा त्यांच्या जोडीची सोशल मीडियावर जोरदार चर्चा सुरू झाली आहे.
Sonakshi Sinha Zaheer Iqbal: बॉलिवूडमधील लोकप्रिय अभिनेत्री सोनाक्षी सिन्हा (Sonakshi Sinha) आणि तिचा पती जहीर इकबाल पुन्हा एकदा सोशल मीडियावर चर्चेत आले आहेत. सध्या इंटरनेटवर “मेलोडी” टॉफीवर आधारित मजेदार मीम आणि ट्रेंड मोठ्या प्रमाणात व्हायरल होत आहेत. या ट्रेंडमध्ये आता सोनाक्षी आणि जहीर यांनीही मजेशीर अंदाजात एंट्री केली आहे. दोघांचा हा व्हिडीओ सोशल मीडियावर तुफान व्हायरल होत असून चाहत्यांकडून त्याला भरभरून प्रतिसाद मिळत आहे.
सोनाक्षी आणि जहीर यांनी त्यांच्या इंस्टाग्राम अकाउंटवर एक संयुक्त व्हिडीओ पोस्ट केला आहे. या व्हिडीओमध्ये दोघांची क्यूट केमिस्ट्री आणि भन्नाट कॉमिक टायमिंग पाहायला मिळत आहे. व्हिडीओची सुरुवात जहीरच्या एका मजेशीर प्रश्नाने होते. तो सोनाक्षीला विचारतो, “मी तुझ्यावर किती प्रेम करतो हे तुला माहिती आहे का?” यावर सोनाक्षी थोडी गोंधळलेली दिसते आणि “नाही” असं उत्तर देते.
यानंतर जहीर पुन्हा विचारतो, “तुला खरंच जाणून घ्यायचं आहे का?” त्यावर सोनाक्षी लगेच “नाही, मग काय?” असं म्हणते. त्याच वेळी जहीर आपल्या खिशातून “मेलोडी” टॉफी काढतो आणि प्रसिद्ध डायलॉग स्टाईलमध्ये म्हणतो, “मेलोडी खा, आणि स्वतः जाणून घे!” जहीरचं हे उत्तर ऐकताच सोनाक्षी मोठ्याने हसू लागते आणि मजेत ती टॉफी त्याच्यावर फेकते. दोघांची ही मजेशीर नोकझोंक चाहत्यांना खूपच आवडली आहे. (Sonakshi Sinha Zaheer Iqbal)
View this post on Instagram
हा व्हिडीओ समोर आल्यानंतर सोशल मीडियावर चाहत्यांनी कमेंट्सचा अक्षरशः पाऊस पाडला आहे. अनेकांनी सोनाक्षी आणि जहीरला “सर्वात क्यूट कपल” म्हटलं आहे. काहींनी त्यांच्या नैसर्गिक अभिनयाचं आणि भन्नाट कॉमिक टायमिंगचं कौतुक केलं आहे. चाहत्यांचं म्हणणं आहे की, त्यांनी फक्त व्हायरल ट्रेंडची नक्कल केली नाही, तर त्यात स्वतःचा खास आणि मजेशीर टच दिला आहे.
सोनाक्षी आणि जहीर सोशल मीडियावर नेहमीच त्यांच्या मजेशीर आणि रोमँटिक पोस्टमुळे चर्चेत असतात. दोघेही अनेकदा एकमेकांसोबतचे व्हिडीओ आणि फोटो शेअर करत असतात. त्यामुळे त्यांच्या चाहत्यांनाही त्यांच्या पोस्टची उत्सुकता असते. या नव्या व्हिडीओमुळे पुन्हा एकदा त्यांच्या जोडीची सोशल मीडियावर जोरदार चर्चा सुरू झाली आहे.
विशेष म्हणजे हा व्हिडीओ त्यांच्या आगामी ‘सिस्टम’ चित्रपटाच्या रिलीजपूर्वी समोर आला आहे. त्यामुळे चाहत्यांमध्ये चित्रपटाबद्दलची उत्सुकताही वाढली आहे. सध्या हा व्हिडीओ इंस्टाग्रामवर मोठ्या प्रमाणात शेअर केला जात असून अनेक जण त्यावर मजेशीर रील्स आणि मीम्सही तयार करत आहेत.
