Virat Kohli expresses frustration about Robo Dog Champak : रॉयल चॅलेंजर्स बंगळुरूचा (RCB) स्टार फलंदाज विराट कोहली मैदानातील आपल्या कामगिरीसोबतच मैदानाबाहेरील वर्तनामुळेही नेहमीच चर्चेत असतो. मात्र, सध्या आयपीएलमध्ये वाढत्या सोशल मीडिया आणि डिजिटल कंटेंट कल्चरवर विराटने तीव्र नाराजी व्यक्त केली आहे. ‘आरसीबी पॉडकास्ट’मध्ये मयांती लँगरशी बोलताना विराटने खेळाडूंच्या खाजगी आयुष्यात (प्रायव्हसी) होणाऱ्या कॅमेऱ्यांच्या हस्तक्षेपावर जाहीर संताप व्यक्त केला आहे. बीसीसीआयच्या रोबो-डॉग ‘चंपक’मुळे विराट त्रस्त! या पॉडकास्टदरम्यान विराटने लखनऊ सुपर जायंट्सविरुद्धच्या सामन्यावेळचा एक अजब आणि तितकाच धक्कादायक किस्सा शेअर केला. बीसीसीआयच्या (BCCI) ‘चंपक’ नावाच्या रोबो-डॉगमुळे (Robo-Dog) त्याला किती मनस्ताप झाला, हे त्याने सांगितले. विराट म्हणाला, “मी माझा मित्र केन विल्यमसनसोबत एका अत्यंत गंभीर विषयावर बोलत होतो. अचानक तिथे चंपक नावाचा रोबो-डॉग आला आणि माझ्याकडे पाहून हात हलवू लागला. तो आमचे वैयक्तिक क्षण रेकॉर्ड करत होता. मी त्याला ऑपरेट करणाऱ्या माणसाला स्पष्ट सांगितले की, प्लीज याला इथून घेऊन जा आणि मला शांततेत बोलू द्या. आता आम्ही मित्रांशी साधे नॉर्मल बोलूही शकत नाही का? प्रत्येक गोष्टीचा सोशल मीडिया मोमेंट बनवला जात आहे.” “नेट्समध्ये नाही, मैदानात जज करा” Thank god Virat Kohli called out that useless Champak robot. Absolute unnecessary drama. That thing might be the most pointless piece of tech in the entire IPL, zero actual use, just pure nonsense. pic.twitter.com/80LxJED7Z7 — Vipin Tiwari (@Vipintiwari952) May 16, 2026 सराव सत्रादरम्यान (प्रॅक्टिस सेशन) सातत्याने पाळत ठेवणाऱ्या कॅमेऱ्यांवरही विराटने आक्षेप घेतला. “जेव्हा आम्ही सरावासाठी जातो, तेव्हा ६ कॅमेरे आमच्या मागे फिरत असतात. हे पूर्णपणे चुकीचे आहे. खेळाडूला शांततेत आपल्या खेळावर काम करण्याचे स्वातंत्र्य असायला हवे. जर प्रत्येक गोष्टीचे चित्रीकरण करून त्यावर चर्चा केली जाणार असेल, तर खेळाडू मोकळेपणाने वागूच शकणार नाही. मला मॅचमधील कामगिरीवर जज करा, नेट्समधील तयारीवर नाही,” असे विराटने ठणकावून सांगितले. हेही वाचा – Mohsin Naqvi India Visit : आयपीएल फायनलपूर्वी क्रिकेट जगतात खळबळ! पीसीबी अध्यक्ष मोहसिन नक्वी भारतात येणार? क्रिकेट कमी करून बिझनेसवर लक्ष – विराटने आपल्या भविष्यातील योजनांबद्दल बोलताना सांगितले की, तो आता पूर्वीपेक्षा कमी क्रिकेट खेळत आहे. जेव्हा क्रिकेटला आपले १०० टक्के देणे पूर्ण होईल, तेव्हा जीवनाच्या इतर पैलूंवर लक्ष केंद्रित करण्याचा त्याचा प्लॅन होता. त्याने आता व्यावसायिक (कमर्शियल) जाहिरातींचे काम खूप कमी केले असून त्याचे संपूर्ण लक्ष आता बिझनेस साईडवर केंद्रित आहे.
