Hemant Dhome : मराठी मनोरंजनविश्वातील लोकप्रिय अभिनेता आणि दिग्दर्शक हेमंत ढोमे सोशल मीडियावर विविध सामाजिक आणि समकालीन विषयांवर सातत्याने आपली भूमिका मांडताना दिसतो. यापूर्वी मिसिंग लिंकवरील दरड कोसळल्याच्या घटनेवर तसेच विविध आंदोलनांबाबत केलेल्या त्याच्या प्रतिक्रिया चर्चेचा विषय ठरल्या होत्या.

नीट (NEET) पेपरफुटी प्रकरण आणि शिक्षण व्यवस्थेतील कथित भ्रष्टाचाराविरोधात ज्येष्ठ शिक्षणतज्ज्ञ व हवामान कार्यकर्ते सोनम वांगचुक गेल्या १९ दिवसांपासून आमरण उपोषण करत आहेत. पूर्ण अन्नत्याग केल्यामुळे त्यांच्या प्रकृतीबाबत चिंता व्यक्त केली जात असून, त्यांचे सुमारे ८.५ किलो वजन घटल्याची माहिती समोर आली आहे.

सोनम वांगचुक यांना देशभरातून विविध क्षेत्रांतील मान्यवर आणि कलाकारांकडून पाठिंबा मिळत आहे. याच पार्श्वभूमीवर अभिनेता-दिग्दर्शक हेमंत ढोमे यांनीही सोशल मीडियावर एक भावनिक पोस्ट शेअर करत त्यांना पाठिंबा दर्शवला आहे. त्याच्या या पोस्टची सोशल मीडियावर जोरदार चर्चा आहे.

Sunetra Pawar : “महाराष्ट्राच्या विकासासाठी…”; अजित पवारांची जयंती साजरी करण्याच्या निर्णयावर सुनेत्रा पवारांची पहिली प्रतिक्रिया

कोण चूक कोण बरोबर सगळं नंतर बघता येईल! पण आत्ता एका अत्यंत महत्त्वाच्या व्यक्तीच्या जीवाची परवा या सरकारला करावीच लागेल …यातून मार्ग काढावाच लागेल! असं पोस्टमध्ये हेमंत ढोमने म्हटलं आहे.

हेमंत ढोमे यांनी आपल्या पोस्टमध्ये म्हटले आहे, “सरकार हे भारत देशाचं आहे आणि ते देशातील जनतेने निवडून दिलेलं आहे. त्यामुळे नागरिकांकडून विचारल्या जाणाऱ्या प्रत्येक प्रश्नाचं उत्तर देणं ही सरकारची मूलभूत जबाबदारी आहे. देशातील कोणत्याही आंदोलनाकडे दुर्लक्ष न करता त्यावर चर्चेच्या माध्यमातून मार्ग काढणं हेही सरकारचं कर्तव्य आहे.”

पुढे त्याने म्हटलं आहे की, “सरकारने शक्य तितक्या लवकर याबाबत पावलं उचलावीत. सोनम वांगचुक यांच्या जीवाशी संबंधित इतक्या गंभीर प्रश्नाकडे दुर्लक्ष होऊ नये. कोण बरोबर आणि कोण चूक, याचा निर्णय नंतरही होऊ शकतो. मात्र, सध्या एका महत्त्वाच्या व्यक्तीचा जीव धोक्यात आहे. त्यामुळे सरकारने तातडीने हस्तक्षेप करून यावर तोडगा काढणं आवश्यक आहे.”

Haiwaan First Look: अक्षय कुमार आणि सैफ अली खानचा ‘हैवान’ चित्रपटातील पहिला लुक समोर