Pandharpur News : पंढरपूर तालुक्यातील आंबे येथे विहीर खोदकाम सुरू असताना मातीचा ढिगारा कोसळून चार कामगार अडकल्याच्या दुर्घटनेची माहिती मिळताच जिल्हाधिकारी एस. कार्तिकेयन यांनी घटनास्थळी भेट देऊन परिस्थितीची पाहणी केली. (Pandharpur News)

विहीर मालक दत्तात्रय निवृत्ती शिंदे यांच्या शेतात जेसीबीच्या साहाय्याने विहीर खोदण्याचे काम सुरू असताना सकाळी सुमारे १० वाजण्याच्या सुमारास मातीचा ढिगारा कोसळला. यामध्ये मंगेश मोरे (वय ३५), सिद्धेश्वर घाडगे (वय ४५), आबासाहेब घोडके (वय ५०) आणि तानाजी घोडके (वय ५४) हे चार कामगार मातीखाली अडकले. (Pandharpur News)

घटनेची माहिती मिळताच पोलीस प्रशासनासह संबंधित यंत्रणा घटनास्थळी दाखल झाल्या. जिल्हाधिकारी एस. कार्तिकेयन यांनी घटनास्थळी भेट देऊन बचावकार्याची माहिती घेतली तसेच संबंधित अधिकाऱ्यांकडून परिस्थितीचा आढावा घेतला. (Pandharpur News)

अडकलेल्या कामगारांना बाहेर काढण्यासाठी सुरू असलेल्या प्रयत्नांवर प्रशासनाचे लक्ष असून, बचावकार्याला आवश्यक ती गती देण्याच्या दृष्टीने संबंधित यंत्रणांना सूचना देण्यात आल्या. तसेच जिल्हाधिकारी एस कार्तिकेयन यांनी दगड मातीच्या ढिगार्‍याखाली अडकलेल्या नातेवाईकांशी संवाद साधून धीर दिला. (Pandharpur News)

यावेळी त्यांच्यासमवेत अप्पर पोलीस अधीक्षक प्रेरणा कट्टे, पंचायत समितीचे सभापती शुभम आगवणे, निवासी उपजिल्हाधिकारी अभिजीत पाटील, प्रांताधिकारी सचिन इथापे, तहसीलदार सचिन लंगुटे, पोलीस निरीक्षक सुरेश चिल्लावार, जिल्हा आपत्ती व्यवस्थापन अधिकारी शक्तीसागर ढोले, नायब तहसीलदार बालाजी पुदलवाड उपस्थित होते. (Pandharpur News)

हे बचाव कार्य पंढरपूर नगरपालिका अग्निशामक दल, जिल्हा आपत्ती व्यवस्थापन, तालुका प्रशासन यांच्यामार्फत सुरू असून, बचाव कार्य साठी एनडीआरएफचे पथक देखील येणार आहे. (Pandharpur News)

Pandharpur : पंढरपूर तालुक्यातील आंबे गावात मोठी दुर्घटना; 4 मजूर ढिगाऱ्याखाली अडकले