Aircraft Accident : सोलापूर विमानतळावर शिकाऊ विमानाचा अपघात झाल्याची घटना समोर आली आहे. शिकाऊ महिला वैमानिक विमानाचे उड्डाण घेण्याच्या तयारीत असताना विमान धावपट्टीवरून घसरून खाली गेले. उड्डाण होण्यापूर्वीच हा अपघात घडल्याची प्राथमिक माहिती आहे.

सुदैवाने या घटनेत महिला वैमानिकाला कोणतीही दुखापत झाली नाही. ती सुरक्षित असल्याची माहिती आहे. दरम्यान, या अपघाताबाबत सोलापूर विमानतळ प्राधिकरणाकडून अद्याप अधिकृत माहिती देण्यात आलेली नाही. विमान धावपट्टीवरून नेमके कोणत्या कारणामुळे घसरले, याबाबत अधिकृत माहिती मिळालेली नाही. पुढील तपास सुरू आहे. (Aircraft Accident)