अभिनेता सिद्धार्थ मल्होत्राचा ॲक्शन-थ्रिलर चित्रपट ‘योधा’ बॉक्स ऑफिसवर फारशी कमाल करू शकला नाही. हा चित्रपट फ्लॉप झाल्यानंतर सिद्धार्थ मुराद खेतानीच्या पुढच्या चित्रपटात दिसणार असल्याच्या बातम्या येत आहे. याआधी मुरादने ‘कबीर सिंग’ आणि ‘ॲनिमल’ सारख्या चित्रपटांची निर्मिती केली आहे. या आगामी चित्रपटाबद्दल सिद्धार्थचे चाहते खूप उत्सुक आहेत. मात्र, आता या चित्रपटाबाबत एक मोठी बातमी समोर येत आहे.

बलविंदर सिंग जंजुआ यांच्या दिग्दर्शनाखाली बनवल्या जाणाऱ्या ॲक्शन ड्रामाची घोषणा जून 2024 मध्ये झाली होती, मात्र दोन महिन्यांनंतरच सिद्धार्थने चित्रपट सोडल्याची बातमी येत आहे. रिपोर्टनुसार, सिद्धार्थने अचानक चित्रपट सोडला आहे. त्याला स्क्रिप्टची कमतरता जाणवत होती, त्यामुळे त्याने चित्रपटातून माघार घेण्याचा निर्णय घेतला आहे.

दिग्दर्शक यांच्यातील क्रिएटिव्ह फरक हे सिद्धार्थने चित्रपट सोडण्यामागचे कारण असल्याचेही सांगितले आहे. याशिवाय चित्रपट निर्मात्यांना या प्रकल्पासाठी वित्तपुरवठा करण्यासाठी एकही स्टुडिओ सापडत नव्हता, हेही प्रकल्प रखडण्याचे प्रमुख कारण म्हणून पाहिले जात आहे. सिद्धार्थच्या मागण्या वाढत होत्या आणि त्याचा त्रास वाढत होता, त्यामुळे चित्रपट थांबवण्यात आला होता.

दरम्यान, ‘योद्धा’मध्ये सिद्धार्थ मल्होत्रासोबत राशि खन्ना आणि दिशा पटानीही होत्या. सिद्धार्थच्या चाहत्यांना या चित्रपटाकडून खूप अपेक्षा होत्या, पण हा चित्रपट लोकांचे मनोरंजन करू शकला नाही. या चित्रपटाने जगभरातील बॉक्स ऑफिसवर फार कमी कमाई केली. पुष्कर ओझा आणि सागर आंब्रे यांनी या चित्रपटाचे दिग्दर्शन केले आहे. ‘योद्धा’पूर्वी रिलीज झालेला ‘थँक गॉड’ हा चित्रपटही फ्लॉप ठरला होता. हा चित्रपट 2022 मध्ये आला होता.

================