Param Sundari Box Office Collection | अभिनेता सिद्धार्थ मल्होत्रा आणि अभिनेत्री जान्हवी कपूर यांचा नवा चित्रपट ‘परम सुंदरी’ २९ ऑगस्ट पासून देशभरातील चित्रपटगृहांत प्रदर्शित झाला आहे. या रोमँटिक चित्रपटाची प्रेक्षक आतुरतेने वाट पाहत होते. या चित्रपटाला प्रेक्षकांचा देखील मोठा प्रतिसाद मिळत आहे.

शनिवार आणि रविवार असलेल्या विकेंडला या चित्रपटाने मोठी कमाई केली आहे. ‘परम सुंदरी‘ने रिलीजच्या तिसऱ्या दिवशी म्हणजे रविवारी १० कोटी पर्यंतची कमाई केली आहे.

सॅकनिल्क रिपोर्टनुसार, या चित्रपटाने पहिल्या दिवशी ७.२५ कोटींची कमाई केली. दुसऱ्या दिवशी या सिनेमानं ९.२५ कोटींची कमाई केली. ‘परम सुंदरी’ने रिलीजच्या तिसऱ्या दिवशी म्हणजेच पहिल्या रविवारी १०.२५ कोटींची कमाई केली आहे. त्यामुळे, ‘परम सुंदरी’ची तीन दिवसांत एकूण कमाई २६.७५ कोटी रुपये झाली आहे.

या सिनेमानं २०२५ च्या महावतार नरसिंह, सन ऑफ सरदार २ या चित्रपटांसह अनेक चित्रपटांच्या ओपनिंग वीकेंड कलेक्शनलाही मागे टाकलं आहे. ६० कोटींच्या बजेटमध्ये तयार झालेला हा सिनेमा चांगली कमाई करत आहे. Param Sundari Box Office Collection |

तुषार जलोटा दिग्दर्शित ‘परम सुंदरी’ या रोमँटिक कॉमेडी सिनेमात नॉर्थचा मुलगा परम आणि दाक्षिणात्य मुलगी सुंदरीची प्रेमकथा आहे.  या प्रेमकथेला समीक्षक आणि प्रेक्षकांकडून संमिश्र प्रतिसाद मिळाला. प्रेक्षकांनी चित्रपटातील जान्हवी आणि सिद्धार्थची ऑनस्क्रीन केमिस्ट्री खूपच चांगली असल्याचं म्हटलं आहे. Param Sundari Box Office Collection |

हेही वाचा:  

मनोज जरांगेंच्या आंदोलनाविरोधात दाखल याचिकेवर उच्च न्यायालयात तातडीची सुनावणी