Gill Thumb Injury : कसोटी मालिकेआधी टीम इंडियाची चिंता वाढली! सराव सत्रात कर्णधार गिलच्या अंगठ्याला दुखापत
Gill Thumb Injury : नेट्समध्ये फलंदाजीचा सराव करताना कर्णधार शुबमन गिलच्या अंगठ्याला चेंडू लागून दुखापत झाली आहे.
Shubman Gill Thumb Injury Practice Session ahead IND vs SL Warm Up Match : भारत आणि श्रीलंका यांच्यातील बहुप्रतिक्षित कसोटी मालिकेला लवकरच सुरुवात होत आहे. सुमारे ९ वर्षांनंतर भारतीय संघ श्रीलंकेच्या भूमीवर कसोटी मालिका खेळण्यासाठी उतरणार आहे. शुक्रवारी खेळल्या जाणाऱ्या एकमेव सराव सामन्यापूर्वी भारतीय संघाची चिंता वाढवणारी एक घटना घडली आहे. गुरुवारी नेट्समध्ये फलंदाजीचा सराव करताना कर्णधार शुबमन गिल (Shubman Gill) याच्या अंगठ्याला चेंडू लागून दुखापत झाली. चेंडू लागताच गिल प्रचंड वेदनेत दिसला, ज्यामुळे काही काळ मैदानावर घबराट पसरली होती.
वैद्यकीय उपचारानंतर पुन्हा नेट्समध्ये!
मिळालेल्या माहितीनुसार, दुखापत झाल्यानंतर भारतीय संघाच्या वैद्यकीय पथकाने तातडीने मैदानावर धाव घेत त्याच्यावर प्राथमिक उपचार केले. सुदैवाने उपचार घेतल्यानंतर शुबमन गिलने पुन्हा नेट्समध्ये फलंदाजीला सुरुवात केली, ज्यामुळे संघ व्यवस्थापनाने सुटकेचा निःश्वास सोडला. याआधी इंग्लंडविरुद्धच्या एकदिवसीय मालिकेतही तो हॅमस्ट्रिंगच्या समस्येने त्रस्त होता. जागतिक कसोटी अजिंक्यपद (WTC) फायनलच्या दृष्टीने ही मालिका अत्यंत महत्त्वाची असल्याने गिल पूर्णपणे फिट राहणे भारतासाठी गरजेचे आहे.
🔴 BAD NEWS FOR TEAM INDIA 🤯
– Captain Shubman Gill was hit twice during India’s practice.[📸 Ankan Kar] pic.twitter.com/vLTvM1LHbF
— Sam (@cricsam02) August 6, 2026
बुमराहपाठोपाठ सुंदरही बाहेर; अनुभवाची कमतरता!
Shubman Gill again got hit in his Right Hand during slip Catching Practice, looks in a lot of pain! Physio rushes with Ice Pack! #ShubmanGill #TeamIndia #SLvsIND pic.twitter.com/IqpdysXY3M
— Ankan Kar (@AnkanKar) August 6, 2026
श्रीलंका मालिकेपूर्वी आधीच मुख्य वेगवान गोलंदाज जसप्रीत बुमराह दुखापतीमुळे बाहेर झाला असून त्याच्या जागी आकिब नबीला संधी मिळाली आहे. तर वॉशिंग्टन सुंदरही हॅमस्ट्रिंगच्या दुखापतीमुळे पहिल्या कसोटीला मुकणार आहे. २०१७ नंतर भारत पहिल्यांदाच श्रीलंकेत कसोटी खेळणार असल्याने सध्याच्या संघात के. एल. राहुल, कुलदीप यादव आणि रवींद्र जडेजा या तिघांनाच तेथे खेळण्याचा अनुभव आहे. बुमराहच्या अनुपस्थितीत मोहम्मद सिराज वेगवान गोलंदाजीचे नेतृत्व करेल.
भारतीय कसोटी संघ: शुबमन गिल (कर्णधार), केएल राहुल (उपकर्णधार), यशस्वी जैस्वाल, ऋषभ पंत (यष्टीरक्षक), ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुतार, मोहम्मद सिराज, प्रसीध कृष्णा, गुरनूर ब्रार, देवदत्त पडिकल, सारांश जैन, आकिब नवी.
