Team India : टीम इंडिया सध्या मायदेशात अफगाणिस्तान विरुद्ध कसोटी सामना खेळत आहे. त्यानंतर भारत आणि अफगाणिस्तान यांच्यात तीन सामन्यांची एकदिवसीय मालिका होणार असून, पुढे भारतीय संघ आयर्लंड आणि इंग्लंड दौऱ्यावर टी-20 मालिका खेळण्यासाठी रवाना होणार आहे. या दोन्ही टी-20 मालिकांसाठी बीसीसीआय निवड समितीने आज (6 जून) भारतीय संघाची घोषणा केली.  (Team India)

मुंबईतील बीसीसीआय मुख्यालयात आयोजित पत्रकार परिषदेत निवड समितीचे अध्यक्ष अजित आगरकर आणि बीसीसीआय सचिव देवजित सैकिया यांनी 16 सदस्यीय संघ जाहीर केला. विशेष म्हणजे आयर्लंड आणि इंग्लंडविरुद्धच्या दोन्ही मालिकांसाठी एकाच संघावर विश्वास दाखवण्यात आला आहे.

हेही वाचा : Nana Patekar :..अन् नानांनी मला खरोखरचं कानाखाली मारली! मग मीही…; अभिनेत्री मधू शाहने 29 वर्षांनी केला खुलासा

या निवडीसोबतच भारतीय टी-20 संघात नव्या पर्वाची सुरुवात झाल्याचे पाहायला मिळाले. सूर्यकुमार यादव याच्याकडून टी-20 कर्णधारपद काढून घेण्यात आले असून, त्याच्या जागी मुंबईचा स्टार फलंदाज श्रेयस अय्यर याच्याकडे नेतृत्वाची जबाबदारी सोपवण्यात आली आहे. तर तिलक वर्मा याची उपकर्णधारपदी नियुक्ती करण्यात आली आहे. विशेष म्हणजे सूर्यकुमार यादवला या दोन्ही मालिकांसाठी संघात स्थान देण्यात आलेले नाही. (Team India)

दरम्यान, निवड समितीने युवा खेळाडूंनाही संधी दिली आहे. अवघ्या 15 वर्षीय वैभव सूर्यवंशी याचा प्रथमच भारतीय वरिष्ठ संघात समावेश करण्यात आला आहे. नुकत्याच पार पडलेल्या आयपीएलच्या 19व्या हंगामात वैभवने केलेल्या दमदार कामगिरीमुळे त्याच्या निवडीची चर्चा रंगली होती. अखेर त्याला टीम इंडियाचे दार उघडले आहे. याशिवाय काही नव्या चेहऱ्यांनाही संघात स्थान मिळाले असून, आगामी टी-20 मालिकांमध्ये या युवा खेळाडूंच्या कामगिरीकडे क्रिकेट चाहत्यांचे लक्ष लागले आहे. (Team India )

आयर्लंड आणि इंग्लंड विरूद्धच्या टी 20 मालेकेसाठी टीम इंडिया  (Team India)

श्रेयस अय्यर (कर्णधार), तिलक वर्मा (उपकर्णधार), अभिषेक शर्मा, संजू सॅमसन, ईशान किशन, शिवम दुबे, नितीश रेड्डी, अक्षर पटेल, वॉशिंगटन सुंदर, वरुण चक्रवर्ती, मोहम्मद सिराज, अर्शदीप सिंह, प्रिंस यादव, हर्षित राणा, रवी बिश्नोई आणि वैभव सूर्यवंशी.

हेही वाचा : R Praggnanandhaan: ग्रँडमास्टर आर. प्रज्ञानंदचा नवा इतिहास; नॉर्वे बुद्धिबळ स्पर्धा जिंकणारा ठरला पहिला भारतीय