Shraddha Kapoor : अभिनेत्री श्रद्धा कपूर सोशल मीडियावर सक्रिय आहे. केवळ इंस्टाग्राम, एक्स (ट्विटर) वरच नाही तर तिने लिंक्डइनवरही अकाउंट तयार केले आहे. पण, यामध्ये तिला एका समस्येचा सामना करावा लागत आहे. अभिनेत्रीने या प्लॅटफॉर्मद्वारे लिंक्डइनला आवाहन केले आहे आणि समस्या सोडवण्याची विनंती केली आहे. समस्या अशी आहे की श्रद्धा कपूरचे लिंक्डइन अकाउंट व्हेरिफाय असूनही ते दिसत नाही आणि ते बनावट म्हटले जात आहे. श्रद्धा म्हणाली- ‘कोणी मला मदत करू शकेल का’? श्रद्धा कपूरने इंस्टाग्राम स्टोरीवर एक पोस्ट शेअर केली आहे. लिंक्डइनला उद्देशून तिने लिहिले, ‘प्रिय लिंक्डइन @linkedin_in, मला खात्री नाही की मी माझे खाते वापरू शकेन की नाही, कारण लिंक्डइनला वाटते की ते बनावट आहे. कोणी मला मदत करू शकेल का? खाते तयार आहे, प्रीमियम आहे, परंतु कोणीही ते पाहू शकत नाही. मी माझा उद्योजकीय प्रवास येथे शेअर करू इच्छिते. खाते तयार करणे हा स्वतःच एक प्रवास बनला आहे’. असं तिने आपल्या स्टोरीमध्ये म्हंटलं आहे. अभिनेत्री श्रद्धा कपूर ने आपल्या कारकीर्दीत अनेक सुपरहिट चित्रपटांमध्ये काम केले. स्त्री या सिनेमातील तिची भूमिका फार नावाजली. त्यानंतर तिचा शाहिद कपूर सोबतचा बत्ती गुल मीटर चालू हा सामाजिक विषयांवर आधारित सिनेमा प्रदर्शित झाला. या सिनेमाला सुद्धा प्रेक्षकांकडून चांगला प्रतिसाद मिळाला. श्रद्धा नृत्यात पारंगत असल्यामुळे तिला प्रभुदेवाच्या स्ट्रीट डान्सर ३ या सिनेमात वरून धवन सोबत काम करण्याची संधी मिळाली. या सिनेमातील तिच्या डान्सने प्रेक्षकांना भुरळ घातली होती.
