Chaufla Kalakendra firing incident : पुणे जिल्ह्यातील दौंड तालुक्यात एक धक्कादायक घटना घडली असल्याची चर्चा सध्या सुरू आहे. दौंड तालुक्यातील चौफला कला केंद्रात गोळीबार झाल्याची घटना घडली असल्याची चर्चा आहे.

या घटनेत डान्स करणारी महिला जखमी झाली असल्याचे बोलले जात आहे. दौंड तालुक्यात चौफुलाची तीन कलाकेंद्र आहेत. यापैकी नेमक्या कोणत्या कलाकेंद्रात गोळीबार झाला हे स्पष्ट झालेले नाही. राजकीय पक्षाच्या पदाधिकाऱ्याशी संबंधित व्यक्तीने गोळीबार केल्याची प्राथमिक माहिती आहे.

तमाशा मंडळाचा कलावंतांचं जे थिएटर होतं तिथं डान्स सुरू होता. त्यावेळी झालेल्या वादातून हा गोळीबार झाल्याचे सांगितले जात आहे. मिळालेल्या माहितीनुसार, या घटेनंतर यवत पोलिसांचे पथक घटनास्थळी दाखल झाले. चौफुला कलाकेंद्रात गोळीबार झाल्याची माहिती मिळाली. पण गोळीबाराचे कोणतेही सबळ पुरावे मिळाले नाहीत, असे पोलिसांचे म्हणणे आहे.

तर थिएटर मालकाकडून असं काही घडलंच नाही सांगण्यात आल्याचे पोलिसांनी म्हटले आहे. त्यामुळे आता संबंधित ठिकाणी खरंच गोळीबाराची घटना घडली आहे का? असा प्रश्न उपस्थित केला जात आहे. चौफला कलाकेंद्रात गोळीबार झाल्याची बातमी वाऱ्यासारखी पसरली आहे. पोलिसांनी दखल घेत या घटनेच्या चौकशीसाठी सीसीटीव्हींची तपासणी सुरू केली असल्याची माहिती मिळत आहे.