Shoaib Malik Fourth Marriage Rumors With Model Vaneezha Sattar Viral Truth Explained : पाकिस्तान माजी क्रिकेटपटू शोएब मलिक (Shoaib Malik) आपल्या क्रिकेट कारकिर्दीपेक्षा वैयक्तिक आयुष्यामुळेच कायम प्रसारमाध्यमांच्या केंद्रस्थानी राहिला आहे. सानिया मिर्झासोबतचा घटस्फोट आणि त्यानंतर पाकिस्तानी अभिनेत्री सना जावेदशी झालेला विवाह यानंतर आता शोएब मलिकच्या चौथ्या लग्नाच्या अफवांनी पुन्हा एकदा सोशल मीडियावर धुमाकूळ घातला आहे. पाकिस्तानची प्रसिद्ध मॉडेल आणि अभिनेत्री वनिझा सत्तार (Vaneezha Sattar) हिच्याशी शोएब २ ऑक्टोबर रोजी विवाहबंधनात अडकणार असल्याचा खळबळजनक दावा काही व्हायरल पोस्ट्समध्ये केला जात असून यावर आता जोरदार चर्चा रंगली आहे.

२ ऑक्टोबरला लग्नाचा दावा; सोशल मीडियावर चर्चांना उधाण!

सोशल मीडियावर व्हायरल होणाऱ्या अनेक पोस्ट्समध्ये असा दावा करण्यात आला आहे की, शोएब आणि वनिझा सत्तार गुपचूप लग्नगाठ बांधणार आहेत. कराचीतील ग्लॅमरस मॉडेल वनिझा सत्तार हिच्यासोबत नाव जोडल्याने या चर्चांना प्रचंड हवा मिळाली. मात्र, २ ऑक्टोबरच्या या कथित लग्नाबाबत शोएब मलिकने सध्या कोणतेही नवीन अधिकृत वक्तव्य केलेले नाही. यापूर्वी फेब्रुवारी महिन्यातही या दोघांनी २७ फेब्रुवारीला गुपचूप निकाह केल्याच्या अफवा आणि कथित लग्नाचे फोटो इंटरनेटवर पसरले होते.

“कधी भेटलोही नाही, कायदेशीर कारवाई करू!”; शोएबचे संतप्त स्पष्टीकरण!

 

View this post on Instagram

 

फेब्रुवारी महिन्यात जेव्हा या अफवांनी टोक गाठले होते, तेव्हा शोएब मलिकने २८ फेब्रुवारी रोजी एक कठोर अधिकृत निवेदन जारी केले होते. त्याने या सर्व चर्चांना “खोटे आणि निराधार” ठरवत म्हटले होते की, “मी वनिझा सत्तार यांना प्रत्यक्ष आयुष्यात कधी पाहिलेलेही नाही आणि त्यांच्याशी माझा कसलाही संपर्क झालेला नाही.” आपल्या वैयक्तिक आयुष्याबद्दल अशा बनावट बातम्या पसरवणाऱ्यांविरुद्ध थेट कायदेशीर कारवाई करण्याचा इशाराही शोएबने त्यावेळी दिला होता.

हेही वाचा – World Cup Format : क्रिकेटमध्ये फुटबॉलचा नियम! २०२७ वर्ल्डकपसाठी आयसीसीचा अजब फॉरमॅट; ‘सुपर-७’ मधील ७ वा संघ कसा ठरणार?

अभिनेत्री वनिझा सत्तारनेही स्पष्ट केली होती बाजू!

🚨BREAKING NEWS🚨

Shoaib Malik can be marrying Pakistani actress vaneeza sattar on 2nd October. [PKT News] pic.twitter.com/nZkfhQo7c0

— Usman (@Usman_56Offical) September 30, 2026

केवळ शोएबच नाही तर स्वतः अभिनेत्री वनिझा सत्तार हिनेही एका टेलिव्हिजन शोमध्ये उपस्थित राहून या संपूर्ण प्रकरणाचा जाहीर खुलासा केला होता. तिने शोएब मलिकशी आपली कधीही प्रत्यक्ष भेट झालेली नसल्याचे स्पष्ट करत या मनघडंत कथा कुठून आणि का रचल्या जातात, यावर तीव्र आश्चर्य व्यक्त केले होते. दोघांनीही या अफवा पूर्णपणे फेटाळलेल्या असतानाही केवळ इंटरनेटवर व्ह्यूज आणि प्रसिद्धीसाठी जुन्याच वावड्या पुन्हा पसरवल्या जात असल्याचे स्पष्ट झाले आहे.