Shoaib Akhtar – भारतात विविध क्षेत्रातील अनेक खेळाडूंवर बायोपिक निर्माण करण्यात आले आहेत. या चित्रपटांच्या माध्यमातून त्या खेळाडूच्या वैयक्तिक आयुष्य आणि कारकिर्दीबद्दल माहिती दिली जाते. भारतानंतर पाकिस्तानातही अशा प्रकारच्या बायोपिकची निर्मिती करण्यास सुरुवात झाली आहे. यामध्ये पाकिस्तानचा माजी वेगवान गोलंदाज शोएब अख्तरच्या आयुष्यावर बायोपिक तयार होणार होता. मात्र आता या बायोपिकाबाबत एक मोठी बातमी समोर आली आहे. ‘रावळपिंडी एक्स्प्रेस – रनिंग अगेन्स्ट द ऑड्स’ या नावाने तयार होणार असलेल्या बायोपिकमधून शोएब अख्तरने काढता पाय घेतला आहे.

Khelo India Youth Games | ‘या’ तारखेला तात्या टोपे स्टेडियमवर रंगणार खेळांचा उद्‌घाटन सोहळा

या चित्रपटामध्ये गायक-अभिनेता उमर जसवाल शोएब अख्तरच्या मुख्य भूमिकेत दिसणार होता. त्याचबरोबर चित्रपटाचे प्राथमिक पोस्टरही प्रदर्शित करण्यात आले होते. त्यानंतर चित्रपट प्रदर्शित करण्याची तारीखही निश्चित करण्यात आली होती. पण मध्येच शोएब अख्तर आणि निर्मात्यांमध्ये वाद सुरु झाल्याने अख्तरने या बायोपिकमधून माघार घेत असल्याचे स्पष्ट केले आहे. त्याचबरोबर निर्मात्यांनी माझ्या परवानगी व्यतिरिक्त काही प्रदर्शित करण्याचा प्रयत्न केल्यास त्यांना मी कायद्याने सामोरे जाईल, असा इशाराही अख्तरने दिलाय.

“कसं जिंकायचं ते भारताकडून शिका”, रमीझ राजांकडून टीम इंडियाचे कौतुक तर पाकिस्तानला घरचा आहेर

शोएब अख्तरने आपल्या ट्विटमध्ये लिहिले की, “अत्यंत दु:खाने मी तुम्हा सर्वांना कळवू इच्छितो की, अनेक महिन्यांच्या विचारानंतर मी ‘रावळपिंडी एक्सप्रेस’ चित्रपट आणि त्याच्या निर्मात्यांसोबत माझ्या व्यवस्थापन आणि कायदेशीर टीमद्वारे करार रद्द करण्याचा मी निर्णय घेतला आहे. यापासून मी स्वतःला वेगळे केले आहे. अर्थात, हा माझ्यासाठी एक ड्रीम प्रोजेक्ट होता आणि मी त्यावर टिकून राहण्याचा पूर्णपणे प्रयत्न केला. पण दुर्दैवाने यामध्ये गोष्टी व्यवस्थित होत नव्हत्या. असहमतीचे निराकरण करण्यात अयशस्वी झाल्यामुळे आणि कराराच्या अटींच्या सतत उल्लंघनामुळे मला करार संपुष्टात आणण्यास भाग पाडले.”

अख्तरने पुढे म्हटले की, “मी माझ्या वैयक्तिक आयुष्याबाबतचे हक्क रद्द करण्यासाठी सर्व कायदेशीर प्रोटोकॉलचे पालन करून या बायोपिकमधून बाहेर पडलो आहे. करार रद्द केल्यानंतरही निर्मात्यांनी माझा बायोपिक बनवत राहिल्यास आणि माझ्या नावाचा वापर केल्यास त्यांच्यावर कठोर कायदेशीर कारवाई केली जाईल”, असा इशारा अख्तरने दिलाय.

मागील वर्षी शोएब अख्तरने स्वतःच जाहीर केले होते की, “त्याचा बायोपिक २०२३ मध्ये १६ नोव्हेंबरला रिलीज होणार आहे. अख्तरने त्यावेळी हे देखील सांगितले होते की, चित्रपटात त्याने सर्वाधिक गतीने फेकलेला चेंडू देखील दाखवला जाईल आणि ऑस्ट्रेलियन वेगवान गोलंदाज ब्रेट ली देखील चित्रपटात कॅमिओ करताना दिसणार आहे. मात्र, आता त्याने चित्रपटापासून वेगळे झाल्याची धक्कादायक बातमी दिली आहे. अख्तरने पाकिस्तानसाठी ४६ कसोटी, १६३ एकदिवसीय आणि १५ टी-२० सामने खेळले आहेत.