Pune Court : शिवाजीनगर येथील जिल्हा व सत्र न्यायालयाला बॉम्बने उडवून देण्याची धमकी देण्यात आली आहे. न्यायालयाच्या अधिकृत ई-मेलवर धमकीचा मेल पाठविण्यात आल्याची माहिती समोर आली आहे.

धमकीची माहिती मिळताच न्यायालय परिसर रिकामा करण्याच्या सूचना देण्यात आल्या. त्यानुसार न्यायालयातील नागरिक आणि कर्मचाऱ्यांना बाहेर काढण्यास सुरुवात झाली आहे. खबरदारी म्हणून परिसरात पोलिसांकडून तपासणी केली जात आहे.

न्यायालय रिकामे करण्याची प्रक्रिया सुरू झाल्याने शिवाजीनगर न्यायालयाच्या चारही बाजूला वाहतूक कोंडी झाली आहे. या घटनेमुळे न्यायालय परिसरात काही काळ तणावाचे वातावरण निर्माण झाले आहे.