Maharashtra Politics : येवला नगरपालिकेच्या राजकारणात मोठी उलथापालथ झाली आहे. शिवसेनेच्या १० पैकी तब्बल ७ नगरसेवकांनी पक्ष नेतृत्वावर नाराजी व्यक्त करत राष्ट्रवादी काँग्रेस (अजित पवार गट) आणि भाजप युतीला पाठिंबा जाहीर केला आहे. या निर्णयामुळे स्थानिक राजकारणात मोठी खळबळ उडाली असून, शिक्षक आमदार किशोर दराडे आणि शिवसेना नेते कुणाल दराडे यांच्यासाठी हा मोठा राजकीय धक्का मानला जात आहे. (Maharashtra Politics)

बंडखोर नगरसेवकांनी समीर भुजबळ यांच्या उपस्थितीत राज्याचे मंत्री छगन भुजबळ यांच्या संपर्क कार्यालयात बैठक घेतली. बैठकीनंतर त्यांनी राष्ट्रवादी काँग्रेस (अजित पवार गट) आणि भाजपला अधिकृतपणे पाठिंबा जाहीर केला. (Maharashtra Politics)

यावेळी समीर भुजबळ म्हणाले, राज्यात महायुतीचे सर्व घटक पक्ष एकत्र असले तरी स्थानिक पातळीवर मतभेद असू शकतात. मात्र शहराच्या विकासासाठी सर्वांनी एकत्र येणे गरजेचे आहे. (Maharashtra Politics)

Chhagan Bhujbal : भुजबळ बोलताना सुप्रिया सुळेंची एंट्री; दादांच्या नावाच्या घोषणांनी परिसर दणाणला, पहा भावुक व्हिडीओ

..तर सातही नगरसेवक राजीनामा देतील

शिवसेना (शिंदे गट)चे उपजिल्हाध्यक्ष अमोल शिंदे यांनीही यावेळी गंभीर इशारा दिला. त्यांनी सांगितले की, स्थानिक पातळीवर आमच्या नगरसेवकांना सातत्याने त्रास दिला जात आहे. जर हा प्रकार यापुढेही सुरू राहिला, तर सातही नगरसेवक आपल्या पदाचा राजीनामा देऊन पुन्हा जनतेसमोर निवडणूक लढवण्यास तयार आहेत. (Maharashtra Politics)

येवल्यात बदलली राजकीय समीकरणे

येवला नगरपालिकेत शिवसेना (शिंदे गट)कडे १० नगरसेवक होते. त्यापैकी ७ नगरसेवकांनी एकत्रितपणे वेगळी भूमिका घेतल्याने स्थानिक राजकीय समीकरणांमध्ये मोठा बदल झाला आहे. आगामी स्थानिक स्वराज्य संस्थांच्या निवडणुकांच्या पार्श्वभूमीवर या घडामोडीकडे राज्याच्या राजकीय वर्तुळाचे लक्ष लागले आहे. (Maharashtra Politics)

Eknath Shinde Health : उपमुख्यमंत्री एकनाथ शिंदेंच्या प्रकृतीबाबत मोठी अपडेट; Health Update समोर

Maharashtra Politics : उद्धव ठाकरेंची झोप उडणारं; आता आमदारही फुटणार? केंद्रीय मंत्र्याच्या विधानाने खळबळ