Maharashtra Politics : उल्हासनगरच्या राजकारणात मोठी घडामोड घडली असून उपमुख्यमंत्री एकनाथ शिंदे यांच्या शिवसेनेला आणखी एक मोठा धक्का बसला आहे. शिवसेनेच्या नगरसेविका पूजा भोईर यांना अपात्र घोषित करण्यात आले असून, त्यांचे नगरसेवकपद रद्द करण्यात आले आहे. (Maharashtra Politics)

महापालिका आयुक्तांनी हा निर्णय घेतला आहे. पूजा भोईर यांनी निवडणुकीत सादर केलेले अनुसूचित जमाती (ST) जातीचे प्रमाणपत्र अवैध ठरल्यामुळे त्यांचे नगरसेवकपद रद्द करण्यात आल्याची माहिती समोर आली आहे. (Maharashtra Politics)

जात प्रमाणपत्र अवैध ठरल्याने कारवाई

पूजा भोईर यांच्या जात वैधता प्रकरणाची छाननी करण्यात आली होती. त्यानंतर अनुसूचित जमातीचे प्रमाणपत्र वैध नसल्याचे निष्पन्न झाल्याने महापालिका प्रशासनाने त्यांच्यावर अपात्रतेची कारवाई केली. या निर्णयामुळे उल्हासनगरच्या राजकीय वर्तुळात मोठी खळबळ उडाली आहे. (Maharashtra Politics)

Maharashtra Politics : मोठी बातमी..! उद्धव ठाकरेंचा पहिला उमेदवार जाहीर? ‘या’ मतदारसंघातून केली घोषणा

याआधी विक्की सिंग लबाना यांच्यावरही कारवाई

यापूर्वीही शिंदे गटाचे नगरसेवक विक्की सिंग लबाना यांचेही नगरसेवकपद अशाच प्रकारे रद्द करण्यात आले होते. आता पूजा भोईर यांच्या अपात्रतेमुळे शिंदे गटाच्या शिवसेनेच्या दोन नगरसेवकांवर अशाच प्रकारची कारवाई झाली आहे. (Maharashtra Politics)

राजकीय समीकरणांवर परिणाम?

सलग दोन नगरसेवक अपात्र ठरल्यानंतर उल्हासनगरमधील राजकीय समीकरणांवर याचा परिणाम होण्याची शक्यता व्यक्त केली जात आहे. स्थानिक स्वराज्य संस्थांमधील शिंदे गटाच्या ताकदीवर या निर्णयाचा प्रभाव पडू शकतो, अशी चर्चा राजकीय वर्तुळात सुरू झाली आहे. (Maharashtra Politics)

Eknath Shinde : एकनाथ शिंदेंना मोठा धक्का ! ‘या’ बड्या नेत्याचा पक्षाला जय महाराष्ट्र

Eknath Shinde : “काल जोर का झटका दिल्यामुळे त्यांचं मानसिक संतुलन बिघडलयं”; आदिय ठाकरेंच्या बोचऱ्या टीकेवर शिंदेंचा पलटवार