Shirur News : उरळगाव (ता. शिरुर) येथील (Shirur News) गट क्रं १६५ मधील दोन बोअरवेलमधून दोन पाण्याच्या मोटारी आणि तांब्याची केबल असा सुमारे १७ हजार रुपये किमतीचा मुद्देमाल अज्ञात व्यक्तींनी चोरुन नेल्याची घटना उघडकीस आली आहे. याप्रकरणी रामदास लहानू काळे (वय ७१,रा. उरळगाव, ता. शिरुर) यांनी शिरुर पोलीस ठाण्यात फिर्याद दिली आहे.

शिरुर पोलिसांनी (Shirur News) दिलेल्या माहितीनुसार, काळे यांच्या शेतातील बोअरमधील लक्ष्मी कंपनीची ५ एचपी क्षमतेची मोटार व २५० फूट तांब्याची तार असलेली केबल, तसेच त्यांचे बंधू बाळासाहेब काळे यांच्या शेतातील बोअरमधील लक्ष्मी कंपनीची ३ एचपी क्षमतेची मोटार व २५० फूट तांब्याची तार असलेली केबल अज्ञात चोरट्याने लंपास केली.

हि चोरी १२ ऑगस्ट ते १३ ऑगस्ट च्या दरम्याच्या कालावधीत घडल्याचे फिर्यादीत नमूद करण्यात आले आहे. शेतातील बोअरवेलवर लावलेल्या मोटारी व केबल गायब असल्याचे लक्षात आल्यानंतर काळे यांनी याबाबत पोलिसांकडे धाव घेतली. चोरीस गेलेल्या मुद्देमालाची एकूण किंमत १७ हजार रुपये असल्याचे पोलिसांनी नमूद केले आहे.

याप्रकरणी १४ ऑगस्ट २०२६ रोजी शिरुर पोलीस ठाण्यात गुन्हा नोंद करण्यात आला आहे. या घटनेचा पुढील तपास (Shirur News) पोलीस हवालदार पवार करीत आहेत. शेतातील बोअरवेलवरील मोटारी, केबल तसेच शेती साहित्याच्या चोरीच्या घटनांना आळा घालण्यासाठी पोलिसांकडून परिसरातील हालचालींची माहिती घेतली जात असून अज्ञात चोरट्याचा शोध सुरु आहे.