Shirur News – शिरूर तालुक्यातील १०६ गावांपैकी तब्बल ७१ ग्रामपंचायतींच्या पदाधिकाऱ्यांची मुदत फेब्रुवारीअखेर संपत आहे. राज्य सरकारकडून निवडणूक प्रक्रिया लांबणीवर टाकण्यात आल्याने या सर्व ७१ ग्रामपंचायतींवर प्रशासक नेमण्यात येणार असल्याचे आता स्पष्ट झाले आहे. यापूर्वीच तालुक्यातील सात ग्रामपंचायतींवर प्रशासक नियुक्त असून, आता या नव्या ७१ ग्रामपंचायतींची त्यात भर पडणार आहे. तालुक्यात पुरेशा प्रमाणात शासकीय अधिकारी उपलब्ध नसल्याने प्रशासक म्हणून कोणाची वर्णी लागणार, याकडे सर्वांचे लक्ष लागले आहे. नव्याने प्रशासक नेमण्यात येणाऱ्या ७१ ग्रामपंचायती आलेगाव पागा, आपटी, उरळगाव, करंदी, केंदूर, कोरेगाव भीमा, खैरेनगर, खैरेवाडी, जातेगाव बुद्रुक, जातेगाव खुर्द, टाकळी भिमा, डिंग्रजवाडी, तळेगाव ढमढेरे, दरेकरवाडी, दहिवडी, धामारी, निमगाव म्हाळुंगी, पाबळ, पारोडी, पिंपळे जगताप, भांबर्डे, मुखई, वढू बुद्रुक, वाडा पुनर्वसन, विठ्ठलवाडी, शिक्रापूर, सणसवाडी, हिवरे, आमदाबाद, कवठे येमाई, कान्हूर मेसाई, कारेगाव, कोंढापुरी, खंडाळे, गणेगाव खालचा, चांडोह, मोराची चिंचोली, निमगाव भोगी, निमगाव दुडे, पिंपळे खालसा, पिंपरखेड, पिंपरी दुमाला, फाकटे, बाभुळसर खुर्द, बुरुंजवाडी, मलठण, मिडगुलवाडी, रावडेवाडी, वडनेर खुर्द, वरुडे, वाघाळे, सविंदने, आंधळगाव, इनामगाव, कुरुळी, कोळगाव डोळस, गणेगाव दुमाला, गुनाट, गोलेगाव, नागरगाव, चिंचणी, निमोणे, निर्वी, न्हावरा, पिंपळसूटी, बाभुळसर बुद्रुक, मोटेवाडी, वडगाव रासाई, शिंदोडी, शिरसगाव काटा व सादलगाव. सरपंचांनाच प्रशासक नेमण्याची मागणी काही ठिकाणी अंगणवाडी सेविका किंवा शिक्षकांची प्रशासक म्हणून नियुक्ती केल्याने प्रशासकीय अडचणी येत आहेत. त्यामुळे सध्याच्या सरपंचांनाच प्रशासक म्हणून नेमावे किंवा वेळेत निवडणुका घ्याव्यात, अशी मागणी सरपंच सेवा संघाचे अध्यक्ष निलेश पावसे यांनी न्यायालयात केली आहे. यावर या आठवड्यात सुनावणी होणार असून न्यायालयाच्या निर्णयानुसार पुढील भूमिका घेतली जाईल, असे शिक्रापूरचे सरपंच रमेश गडदे यांनी सांगितले.
