अभिनेत्री शर्वरी वाघ तिच्या याआधीच्या ‘महाराज’ आणि ‘मुंज्या’ या दोन चित्रपटांमुळे चर्चेत आहे. त्याचे दोन्ही चित्रपट हिट ठरले. आता ती यशराज फिल्म्सच्या पुढील स्पाय युनिव्हर्स चित्रपट ‘अल्फा’मध्ये आलिया भट्टसोबत स्क्रीन शेअर करताना दिसणार आहे. दोघेही या चित्रपटात गुप्तहेरांची भूमिका साकारणार आहेत.

अशात शर्वरीने एका मुलाखतीत या चित्रपटाविषयी सांगितले, आलिया भट्टसोबत काम करण्याबाबत उत्सुकता व्यक्त केली. यासोबतच त्यांनी नुकत्याच प्रदर्शित झालेल्या चित्रपटांच्या यशाबद्दलही सांगितले.

‘महाराज’ आणि ‘मुंज्या’ बद्दल ती म्हणाली, ‘तुम्हाला सर्वच व्यासपीठांवर यश मिळणे फार कमी आहे. माझा एक चित्रपट थिएटरमध्ये आणि एक नेटफ्लिक्सवर चालू होता, त्यामुळे मी बऱ्याच लोकांपर्यंत पोहोचू शकले’  शर्वरीला तिच्या ‘अल्फा’ चित्रपटाचे शूटिंग कसे चालले आहे, असे विचारले असता तिने अद्याप या चित्रपटाचे शूटिंग सुरू केले नसल्याचे सांगितले.

शर्वरी म्हणाली, “मी अजून माझे शूटिंग सुरू केलेले नाही, पण तयारी जबरदस्त आहे. देशाची आवडती स्टार आणि माझी स्वतःची आवडती आलिया भट्टसोबत काम करण्याची संधी मिळाल्याने मला तिच्याकडून खूप काही शिकायला मिळेल. मी आलिया भट्टसोबत काम करत आहे. यामुळे मी स्वःताला भाग्यवान समजते. मी दररोज ॲक्शन प्रशिक्षण घेत आहे.’