Sharad Pawar : शिवसेना पक्ष आणि चिन्हाप्रकरणी सुप्रिम कोर्टात सुनावणी सुरू आहे. काल एकनाथ शिंदे यांच्या वतीने वकिलांनी जोरदार युक्तिवाद केला. या युक्तिवादत उद्धव ठाकरे यांच्या बाजूने मांडण्यात आलेले मुद्दे शिंदेंच्या वकिलांनी खोडून काढले. १९९६ सालची पक्षाची घटना, शिवसेनाप्रमुख आणि त्यानंतर निर्माण करण्यात आलेले पक्षप्रमुख पद या अनुषंगाने मुद्दे उपस्थित केले. आता या  प्रकरणाची पुढील सुनावणी १९ सप्टेंबर या दिवशी होणार असून, या सुनावणीत शिंदेंच्या बाजूने वकिलांकडून काय युक्तिवाद केला जाणार याकडे अवघ्या महाराष्ट्राचे लक्ष लागले आहे.

या सुनावणीवर ज्येष्ठ नेते शरद पवार यांची प्रतिक्रिया समोर आली आहे. शरद पवार म्हणाले, “नाही सांगू शकतं. कोर्टाचा निकाल येईल. सुनावणी चालू आहे. संपलेली नाही. त्याआधी आम्ही भाष्य करणं दोघांच्या हिताचं नाही. काय असेल ते कळेल.” अशी एका वाक्यात  शरद पवारांनी प्रतिक्रिया दिली. देशाचा जीडीपी दर वाढ असला तरी महागाईचा भडका उडाला असून, वाढलेल्या दरवाढीमुळे सर्वसामान्यांच्या खिशाला झळ बसणार आहे. साखरचे दर वाढलेले असून आगामी काळत आणखी दरवाढ होणार असल्याची चर्चा आहे. या पार्श्वभूमीवर शरद पवारांनी मत व्यक्त केले.

शरद पवार म्हणाले, “साखरेचे दर वाढलेत. पण त्याचा शेतकऱ्यांना फायदा होताना दिसत नाहीय. वाढलेल्या दराचा फायदा व्हायला पाहिजे. उत्पादन खर्च वाढतोय. जे पिकवतो त्याचा काही हिस्सा शेतकऱ्याकडे गेला पाहिजे. ते चित्र दिसत नाहीय. साखर आयात करणं योग्य नाही. नवीन आयात केलेल्या साखरेचा फायदा कधी मिळणार हे सांगता येत नाही. त्याचा फायदा आज काय होईल सांगता येत नाही. पावसाने शेतकऱ्याची चिंता वाढवली आहे.”

पंतप्रधान बारामती दौऱ्यावर येणार? शरद पवार म्हणाले…

ऑक्टोबर महिन्यात पंतप्रधान नरेंद्र मोदी बारामतीत येणार का? या प्रश्नावर बोलताना शरद पवार म्हणाले की, “येतो म्हणालेत पण तारीख अजून फायनल नाही. १६ ऑक्टोबरला ते येण्याची शक्यता आहे. पंतप्रधानांना यावेळी बारामतीत एक प्रेझेंटेशन देण्यात येणार याहे. आपल्या काही लोकांनी त्यांना सुप्रियाच्या मुलीच्या लग्नात प्रेझेंटेशन दिलं होतं. ते त्यांना सविस्तर समजून घ्यायचं आहे.” असेही शरद पवार म्हणाले आहेत.

Imran Masood: ‘जे विमान उडवतात ते RSSचे…’ ; राम मंदिराच्या CEOवर इम्रान मसूदांचा थेट निशाणा