Maharashtra Politics : महाराष्ट्राच्या राजकारणात पुन्हा एकदा मोठ्या राजकीय घडामोडींच्या चर्चांना उधाण आले आहे. शिवसेना (उद्धव बाळासाहेब ठाकरे) पक्षातील घडामोडींनंतर आता राष्ट्रवादी काँग्रेस (शरदचंद्र पवार) पक्षाच्या संभाव्य राजकीय भूमिकेबाबत विविध तर्कवितर्क व्यक्त केले जात आहेत. पक्षाने भविष्यात भाजपच्या नेतृत्वाखालील राष्ट्रीय लोकशाही आघाडी (NDA) सोबत जाण्याची शक्यता तपासली जात असल्याची चर्चा राजकीय वर्तुळात रंगली आहे. (Maharashtra Politics)

सूत्रांच्या माहितीनुसार, पक्षातील एका वरिष्ठ नेत्यावर लोकप्रतिनिधींची भूमिका जाणून घेण्याची जबाबदारी सोपवण्यात आली आहे. तसेच त्या नेत्याची भाजपच्या एका वरिष्ठ नेत्यासोबत प्राथमिक स्तरावरील बैठक झाल्याचीही चर्चा आहे. (Maharashtra Politics)

सध्या राष्ट्रवादी काँग्रेस (शरदचंद्र पवार) पक्षाकडे ८ लोकसभा खासदार आणि १० आमदार आहेत. या सर्व लोकप्रतिनिधींची भूमिका काय आहे, याची चाचपणी सुरू असल्याचे बोलले जात आहे. पक्षात या मुद्द्यावर वेगवेगळी मते असल्याचीही चर्चा आहे. (Maharashtra Politics)

सूत्रांच्या दाव्यानुसार, भविष्यात एनडीएला पाठिंबा देण्याचा निर्णय झाल्यास दोन पर्यायांवर विचार सुरू असल्याचे सांगितले जात आहे. त्यामध्ये एनडीएमध्ये अधिकृत प्रवेश करून सरकारमध्ये सहभागी होणे किंवा सरकारमध्ये सहभागी न होता बाहेरून पाठिंबा किंवा सहकार्य करणे, या पर्यायांचा समावेश असल्याची चर्चा आहे. (Maharashtra Politics)

 

दरम्यान, राष्ट्रवादी काँग्रेस (शरदचंद्र पवार) पक्षाकडून या सर्व चर्चांवर अद्याप कोणतीही अधिकृत भूमिका जाहीर करण्यात आलेली नाही. त्यामुळे सध्या सुरू असलेल्या या चर्चा आणि दावे हे केवळ राजकीय सूत्रांवर आधारित असून, पक्षाचा अंतिम निर्णय अद्याप स्पष्ट झालेला नाही. (Maharashtra Politics)

राज्यातील बदलत्या राजकीय समीकरणांच्या पार्श्वभूमीवर शरद पवार पुढे कोणती भूमिका घेतात, याकडे राज्यासह देशाच्या राजकीय वर्तुळाचे लक्ष लागले आहे. (Maharashtra Politics)

Sharad Pawar NCP : शरद पवार गटाचा खासदार भाजपच्या वाटेवर? ‘ते’ विधान करताच स्पष्ट केली भूमिका

Sharad Pawar: शिवसेनेच्या फुटीनंतर राष्ट्रवादीतही भूकंप? शरद पवारांनी एकाच वाक्यात विषय संपवला