Sharad Pawar | Amit Shah – सर्वोच्च न्यायालयाने ज्या व्यक्तीला त्याच्या राज्यातून तडीपार केले ती व्यक्ती देशाच्या गृहमंत्री पदावर विराजमान असणे ही विचीत्र बाब आहे अशा शब्दात राष्ट्रवादी कॉंग्रेसच्या पवार गटाचे अध्यक्ष शरद पवार यांनी केंद्रीय गृहमंत्री अमित शहा यांच्यावर जोरदार पलटवार केला आहे.

अमित शहा यांनी महाराष्ट्रातील एका कार्यक्रमात शरद पवारांचा उल्लेख भ्रष्ट्राचाऱ्यांचे सरदार असा केला होता. त्या अनुषंगाने पवार यांनी त्यांच्यावर हा निशाणा साधला आहे. पवार म्हणाले की, काही दिवसांपूर्वी गृहमंत्री अमित शहा यांनी माझ्यावर हल्ला केला आणि काही गोष्टी सांगितल्या.

ते म्हणाले की शरद पवार हे देशातील सर्व भ्रष्टांचे सेनापती आहेत. विचित्र गोष्ट म्हणजे आज देशाचा गृहमंत्री असलेला माणूस असा आहे. ज्या व्यक्तीने गुजरातच्या कायद्याचा गैरवापर केला आणि त्यासाठी सर्वोच्च न्यायालयाने त्याला गुजरातमधून तडीपार केले, असे शरद पवार म्हणाले.

ज्याला हद्दपार केले गेले ते आज देशाचे गृहमंत्री आहेत. त्यामुळे आपण कुठे चाललो आहोत याचा विचार करायला हवा. ज्यांच्या हातात महत्वाचे पद आहे, ते लोक हा चुकीचा मार्ग स्वीकारात आहेत, याचा विचार करायला हवा; अन्यथा ते देशाला १०० टक्के चुकीच्या मार्गावर नेणार का, याकडे लक्ष द्यावे लागेल, असे पवार म्हणाले.

२०१० मध्ये सोहराबुद्दीन शेख बनावट चकमक प्रकरणी अमित शहा यांना राज्यातून दोन वर्षांसाठी हद्दपार करण्यात आले होते. त्यानंतर २०१४ मध्ये त्यांची या प्रकरणातून निर्दोष मुक्तता करण्यात आली होती.अमित शहा यांनी २१ जुलै रोजी पुण्यात भाजपच्या अधिवेशनाला संबोधित करताना पवारांवर ही टीका केली होती.