Nhavare News : मांडवगण फराटा (ता. शिरुर) दारु पिण्यासाठी पैसे देण्यास नकार दिल्याच्या कारणावरुन ७२ वर्षीय ज्येष्ठ व्यक्तीला हाताने तसेच लाकडी दांडक्याने बेदम मारहाण करत शिवीगाळ, दमदाटी करुन जीवे मारण्याची धमकी दिल्याची घटना घडली आहे. याप्रकरणी सागर विश्वास गव्हाणे (रा. मांडवगण फराटा, ता. शिरुर, जि. पुणे) याच्याविरोधात पोलिसांत तक्रार दाखल करण्यात आली आहे. (Nhavare News)

शिरुर पोलिसांनी दिलेल्या माहितीनुसार, देवराम श्रीपती इथापे (वय ७२, रा. मांडवगण फराटा, ता. शिरुर, जि. पुणे) यांनी याबाबत फिर्याद दिली असून गुरुवार (दि ६) रोजी दुपारी ४:१५ च्या सुमारास मांडवगण फराटा येथील वाघेश्वर मंदिराजवळ ही घटना घडली आहे. (Nhavare News)

आरोपीने फिर्यादीकडे दारु पिण्यासाठी पैशांची मागणी केली. मात्र, इथापे यांनी पैसे देण्यास नकार दिल्यानंतर आरोपीने त्यांना प्रथम हाताने मारहाण केली. त्यानंतर घटनास्थळी पडलेले लाकडी दांडके हातात घेऊन त्यांच्या तोंडावर, पाठीवर तसेच पायावर मारहाण केली. (Nhavare News)

या मारहाणीनंतर आरोपीने शिवीगाळ व दमदाटी करत जीवे मारण्याची धमकी दिल्याचेही तक्रारीत म्हटले आहे. या घटनेनंतर इथापे यांनी पोलिसांकडे धाव घेत तक्रार नोंदवली. या प्रकरणाचा पुढील तपास पोलीस अंमलदार कदम करीत आहेत. (Nhavare News)

Nhavare News : चासकमान डाव्या कालव्यातून 600 क्युसेक विसर्ग, पण मुखईला फक्त 180 क्युसेक; उर्वरित 420 क्युसेक पाणी जाते कुठे?

Nhavare News : शिरूरमध्ये भीषण अपघात! भरधाव कंटेनरने पिकअपला चिरडलं; २ ऊसतोड मजुरांचा मृत्यू, १४ जण गंभीर जखमी