Seema Kaliramna Wins Bronze Medal Womens Discus Throw Glasgow CWG 2026 : स्कॉटलंडमधील ग्लास्गो येथे सुरू असलेल्या राष्ट्रकुल क्रीडा स्पर्धेत (Glasgow CWG 2026) भारताची महिला ॲथलीट सीमा कालिरामना (Seema Kaliramana) हिने महिलांच्या थाळीफेक (Discus Throw) स्पर्धेत कांस्यपदक (Bronze Medal) जिंकून देशाचा गौरव वाढवला आहे. अतिशय उत्कंठावर्धक ठरलेल्या या सामन्यात शेवटच्या तीन प्रयत्नांत सलग फाउल होऊनही, सीमाने तिच्या तिसऱ्या प्रयत्नातील ५८.६५ मीटर थ्रोच्या जोरावर पदक राखण्यात यश मिळवले. तर भारताची दुसरी खेळाडू निधी राणी हिचे पदक थोडक्यात हुकले आणि ती चौथ्या स्थानावर राहिली.

सलग ३ फाउल अन् श्वास रोखून धरणारा थरार!

२७ वर्षीय सीमासाठी या सामन्याचा शेवट प्रचंड तणावपूर्ण राहिला. चौथ्या, पाचव्या आणि सहाव्या प्रयत्नात तिच्याकडून सलग फाउल झाले. त्यामुळे तिचे पदक कॅमेरूनच्या मोनी नोरा आतिमच्या शेवटच्या थ्रोवर अवलंबून होते. आतिमने ५८.६५ मीटरपेक्षा जास्त अंतर कापले असते तर सीमाचे पदक हुकले असते; मात्र आतिमला शेवटच्या संधीत केवळ ११.१८ मीटरपर्यंतच थ्रो करता आली आणि सीमाचे कांस्यपदक पक्के झाले. या स्पर्धेत जमैकाच्या सामंथा हॉलने (६१.६६ मी) सुवर्ण, तर कॅनडाच्या ज्युलिया टंक्सने (६०.६७ मी) रौप्यपदक जिंकले.

#WATCH | Seema Kaliramna clinches the bronze medal🥉 in the Women’s Discus Throw event at the #CommonwealthGames2026.

She says, “I never thought about it. After pregnancy, I had arthritis. Because of this, I had a lot of complications. But my husband supported me, my family… pic.twitter.com/TIzb8uBy9y

— DD India (@DDIndialive) July 31, 2026

‘सुपर मॉम’ची पीएचडी आणि सुवर्ण कामगिरी –

RICH LEGACY CONTINUES! 🫡

Seema Kaliramna adds a bronze medal to India’s kitty with a fine performance in the women’s discus throw, an event that has given the nation enough to celebrate over the years at the Commonwealth Games. She manages a best throw of 58.65m.

Watch the… pic.twitter.com/GeadpCsDB9

— Sony Sports Network (@SonySportsNetwk) July 30, 2026

सीमा कालिरामनाने आई झाल्यानंतर (Motherhood) क्रीडा जगतात केलेले हे पुनरागमन कौतुकास्पद आहे. २०२५ च्या राष्ट्रीय खेळांमध्ये सुवर्णपदक जिंकून तिने पुनरागमन केले होते. विशेष म्हणजे खेळासोबतच सीमा पीएचडीचे (PhD) शिक्षणही घेत आहे. ती आज देशातील लाखो तरुण मातांसाठी एक मोठी प्रेरणा बनली आहे.

हेही वाचा – Neeraj CWG Final : खराब हवामानातही भारताचा तिरंगा फडकला! नीरज चोप्रासह तिन्ही भारतीय भालाफेकपटूंचा फायनलमध्ये प्रवेश

निधी राणीची झुंज थोडक्यात अपयशी –

सामन्याच्या सुरुवातीला भारताच्या निधी राणीने ५३.१९ मीटर थ्रो केला होता, तर सीमाचा पहिला प्रयत्न फाउल झाला होता. दुसऱ्या प्रयत्नात निधीने ५५.६७ मीटर थ्रो करत तिसरे स्थान मिळवले, पण सीमाने ५७.३२ मीटर फेकत निधीला मागे टाकले. त्यानंतर तिसऱ्या प्रयत्नात सीमाने ५८.६५ मीटरचा सर्वोत्तम थ्रो करत कांस्यपदकावर शिक्कामोर्तब केले.