Swine flu – देशभरात पुन्हा एकदा स्वाइन फ्लू पसरू लागला आहे. देशातील ८ राज्यांमध्ये स्वाइन फ्लू म्हणजेच एच१एन१ विषाणूचा संसर्ग वेगाने पसरत आहे. यामुळे सरकारची चिंता पुन्हा एकदा वाढली आहे. या वर्षी जानेवारीमध्ये १६ राज्यांमध्ये ५१६ लोकांना स्वाइन फ्लूची लागण झाली होती. तर उपचारादरम्यान ६ जणांचा मृत्यू झाला.

सर्वाधिक मृत्यू, म्हणजेच ४, केरळमध्ये झाले, तर कर्नाटक आणि हिमाचल प्रदेशमध्ये प्रत्येकी १ मृत्यू झाला. राष्ट्रीय रोग नियंत्रण केंद्राच्या अहवालानुसार, दिल्ली, कर्नाटक, केरळ आणि तामिळनाडूमध्ये परिस्थिती खूपच गंभीर आहे. एनसीडीसीने तामिळनाडू, पुद्दुचेरी, केरळ, महाराष्ट्र, जम्मू आणि काश्मीर, गुजरात, कर्नाटक आणि दिल्लीमध्ये स्वाइन फ्लूबाबत देखरेख वाढवण्याचे आवाहन केले आहे.

याप्रकरणी पूर्वीप्रमाणेच, केंद्र सरकारने स्वाइन फ्लूला त्वरित प्रतिसाद देण्यासाठी एक टास्क फोर्स स्थापन केला आहे. यामध्ये आरोग्य मंत्रालय, एनसीडीसी, आयसीएमआर, दिल्ली एम्स, पीजीआय चंदीगड, निमहंस बंगळुरू, विज्ञान आणि जैवतंत्रज्ञान विभाग यासह विविध मंत्रालयांमधील उच्चपदस्थ अधिकाऱ्यांचा समावेश आहे.

एच१एन१ विषाणू म्हणजे काय?

एच१एन१ हा इन्फ्लूएंझा विषाणूचा एक प्रकार आहे, ज्याला स्वाइन फ्लू असेही म्हणतात. पूर्वी हा विषाणू फक्त डुकरांनाच प्रभावित करत असे, परंतु आता तो मानवांनाही संक्रमित करत आहे. या आजाराची लक्षणे म्हणजे ताप, थकवा, भूक न लागणे, खोकला, घसा खवखवणे, उलट्या आणि अतिसार. रुग्णाच्या वरच्या आणि मध्यम श्वसनसंस्थेवर याचा परिणाम होतो.

करोनाप्रमाणेच, या आजारातही एका व्यक्तीपासून दुसऱ्या व्यक्तीला संसर्ग होण्याची क्षमता असते. केंद्राने एक टास्क फोर्स स्थापन केला आहे. केंद्रीय आरोग्य मंत्रालयाला सादर केलेल्या अहवालात, एनसीडीने म्हटले आहे की २०२४ मध्ये २०,४१४ लोकांना संसर्ग झाला होता, त्यापैकी ३४७ जणांचा मृत्यू झाला. २०१९ मध्ये सर्वाधिक २८,७९८ प्रकरणे नोंदवली गेली, ज्यामध्ये १,२१८ लोकांचा मृत्यू झाला.

अशा आहेत केसेस : 

तामिळनाडू – २०९
कर्नाटक – ७६
केरळ – ४८
जम्मू आणि काश्मीर – ४१
दिल्ली – ४०
पुडुचेरी – ३२ प्र
महाराष्ट्र – २१
गुजरात – १४ प्रकरणे