खंडाळा (प्रतिनिधी) – गणेशोत्सवाच्या पार्श्वभूमीवर पुणे-बेंगलोर महामार्गावर वाहनांची प्रचंड गर्दी आहे. अशातच महामार्गावरील उड्डाणपुलावरून दुचाकीस्वार दाम्पत्य खाली पडल्याने पतीचा मृत्यू झाल्या तर पत्नी गंभीर जखमी झाली. या घटनेने खंडाळा परिसरात खळबळ उडाली.

याबाबत घटनास्थळावरून मिळालेली अधिक माहिती अशी की, पुण्याहून कोल्हापूरच्या दिशेने उपेंद्र चाटे व उन्नती चाटे (रा. कोल्हापूर) हे दाम्पत्य दुचाकीवरून निघाले होते. त्यांची दुचाकी खंडाळा येथील उड्डाणपुलावर आली असता अपघात घडल्याने दोघे पती- पत्नी दुचाकीवरून तोल जाऊन खाली पडले व दुचाकी पुलावरच पडली.

Satara | बामणोली येथील “शिवसागरा”ची सेंच्युरी पूर्ण

अचानक झालेल्या घटनेने पुलाच्या खालील बाजूस असणारे उपस्थितही गोंधळले. खाली पडल्यामुळे दोघेही गंभीर जखमी झाले. यावेळी स्थानिकांच्या मदतीने त्यांना रुग्णालयात दाखल केले असता उपेंद्र चाटे यांचा मृत्यू झाल्याचे डॉक्टरांकडून सांगण्यात आले तर उन्नती चाटे गंभीर जखमी असल्याचे सांगण्यात आले.