प्रभात वृत्तसेवा
सातारा – काँग्रेसच्या जिल्हा सरचिटणीसपदाचा आणि सदस्यत्वाचा राजीनामा दिल्यानंतर नरेश देसाई यांच्या नेतृत्वाखाली पाटण तालुक्यातील पदाधिकार्‍यांनी शनिवारी राष्ट्रवादी काँग्रेस शरद पवार पक्षात प्रवेश केला. पक्षाचे प्रदेशाध्यक्ष आमदार शशिकांत शिंदे यांच्या प्रमुख उपस्थितीत राष्ट्रवादी भवनात हा कार्यक्रम झाला.माजी सभापती एल. एम. पवार, जिल्हा परिषदेचे माजी सदस्य अरविंद घाडगे, काँग्रेसच्या सहकार परिषद सेलचे उपाध्यक्ष श्रीनिवास पाटील, ओबीसी सेलचे प्रदेश सचिव बबनराव पुजारी,

तालुका सरचिटणीस अ‍ॅड. राजन भिसे, बीसी विभाग तालुकाध्यक्ष आनंदा कांबळे, ओबीसी विभाग तालुकाध्यक्ष यशवंत सुतार, तालुका सरचिटणीस विष्णू सपकाळ, पाटण शहराध्यक्ष दर्शन कवर, हरीश शिंदे, दीपक वायदंडे, वसंत कदम, विविध गावांचे आजी-माजी सरपंच, सदस्य आणि पदाधिकार्‍यांनी नरेश देसाई यांच्या नेतृत्वाखाली राष्ट्रवादी काँग्रेस शरद पवार पक्षात प्रवेश केला.

यावेळी राष्ट्रवादी शरद पवार पक्षाचे जिल्हा सरचिटणीस राजकुमार पाटील, दिलीप बाबर, राजाभाऊ काळे, शफीक शेख, गोरखनाथ नलवडे, पारिजात दळवी, विजय बोबडे, समिंद्रा जाधव, अर्चना देशमुख, सचिन जाधव, आशिष चोरगे, अमोल पाटोळे, किरण चौधरी, विजय कुंभार, बाळासाहेब शिंदे, पदाधिकारी व कार्यकर्ते उपस्थित होते.