प्रभात वृत्तसेवा
सातारा – राज्याचे सार्वजनिक बांधकाम मंत्री शिवेंद्रसिंहराजे भोसले यांनी ऐतिहासिक कामगिरी करत पहिल्यांदाच केंद्रीय रस्ते निधी मधून जिल्ह्याला तब्बल 218 कोटी रुपयांचा निधी उपलब्ध करून दिला होता. आता सलग दुसर्‍यांदा ना. शिवेंद्रसिंहराजेंच्या माध्यमातून केंद्रीय रस्ते निधीमधून जिल्ह्यासाठी 192 कोटी रुपयांचा ‘बूस्टर’ मिळाला आहे.मंजूर निधीमध्ये पाटण तालुक्यातील पाटण- मणदुरे जवळ तारळे, पाल, काशीळ रस्त्याचे मजबुतीकरण करणे व पूल बांधणे 30 कोटी,

सातारा तालुक्यातील भोंडवडे, आंबवडे बु., सायळी, वडगाव, सावली, कुरुळबाजी, कुडेघर, रोहोट, पाटेघर, आलवडी, धावली रस्त्यासह पुलाचे बांधकाम 7 कोटी, एनएच 4 ते म्हसवे, करंजे, ते मोळाचा ओढा, शाहूपुरी पोलीस ठाणे, मतकर कॉलनी, शाहूपुरी चौक, जुना मेढा रोड ते सारखळ रस्त्याचे काँक्रीटीकरण 24 कोटी, घाटाई देवी फाटा, कास पठार, कास तलाव, कास तलाव भिंत या रस्त्याच्या कामासाठी 10 कोटी, कण्हेर, वेळे, कुसूंबी, मोहोट, म्हाते खु.,

वागदरे, ते मानेवाडी, भाग चोरगेवाडी ते कामथी तर्फ रस्त्याची सुधारणा व वायंडिंगसाठी 11 कोटी, एनएच 4 ते काशीळ कोपर्डे नलवडेवाडी येथे उरमोडी व कृष्णा नदीवरील मोठ्या पुलासाठी 20 कोटींचा निधी मंजूर झाला आहे.जावली तालुक्यात एनएच 4 ते आनेवाडी, सायगाव, मोरघर, वाघेश्वर, भाग आनेवाडी ते वाघेश्वर या रस्त्याची सुधारणा व वायंडिंगसाठी 30 कोटी, गोगवे वरसोली, गाळदेव, वागदरे, म्हाते, मोहोट, गांजे, तांबी, खरोशी, निझरे, कामथी.

वेळे, कण्हेर रस्ता भाग कुसूंबी ते वेळे रस्त्याची सुधारणा व वायंडिंग 25 कोटी, सातारा, कास, बामणोली, गोगवे, तापोळा, महाबळेश्वर रस्ता भाग कास तलाव ते अंधारी फाटा रस्त्याची सुधारणा करण्यासाठी 5 कोटी निधी मंजूर झाला आहे.माण तालुक्यातील वाकी ते वरकुटे म्हसवड रस्त्यावर माणगंगा नदीवर पुलाचे बांधकाम करणे 8 कोटी, खटाव तालुक्यात कलेढोण जिल्हा हद्द ते वाजेगाव (सांगली) रस्त्याची सुधारणा 2 कोटी, कराड तालुक्यातील इंदोली, चोरे,

पाल रस्त्याची सुधारणा करण्यासाठी 20 कोटी निधी मंजूर झाला आहे. मंजूर कामांची निविदा प्रक्रिया व इतर शासकीय सोपस्कार तातडीने पूर्ण करून कामे तातडीने सुरु करा, तसेच कामे दर्जेदार करून वेळेत पूर्ण करा, अशा सूचना ना. शिवेंद्रसिंहराजे भोसले यांनी संबंधित अधिकार्‍यांना केल्या आहेत.