Saswad News : पुरंदर तालुक्यातील पानवडी येथे घडलेल्या दुहेरी हत्याकांडाचा उलगडा करण्यात सासवड पोलिसांना यश आले आहे. पती-पत्नीच्या निर्घृण हत्येच्या घटनेनंतर पोलिसांनी वेगाने तपासाची चक्रे फिरवत संशयित आरोपीचा शोध घेतला. (Saswad News)

अखेर पुणे-सातारा महामार्गावर पाठलाग करून संशयित आरोपीला जेरबंद करण्यात आले. सासवड पोलिसांच्या गुन्हे शोध पथकाने केलेल्या या कामगिरीचे कौतुक अप्पर पोलीस अधीक्षक गणेश बिराजदार यांनी पत्रकार परिषद घेऊन केले. (Saswad News)

सासवड (ता. पुरंदर) येथील पोलीस ठाण्यामध्ये अप्पर पोलीस अधीक्षक गणेश बिराजदार यांनी पत्रकार परिषद घेऊन घटनेची माहिती देताना सांगितले की, २५ ऑक्टोबर २०२६ रोजी सायंकाळी सुमारे ६ ते ६.३० वाजण्याच्या सुमारास पानवडी येथे एका महिलेला मारहाण झाल्याची माहिती पोलिसांना मिळाली.

या घटनेत मोहन बाबुराव धिवार (वय ८५) आणि त्यांची पत्नी रत्नमाला मोहन धिवार (वय ७५) यांच्यावर हल्ला झाल्याचे समोर आले. जखमी अवस्थेत दोघांनाही उपचारासाठी रुग्णालयात नेण्यात आले. (Saswad News)

मात्र उपचारापूर्वीच मोहन धिवार यांचा मृत्यू झाला, तर रत्नमाला धिवार यांना ससून रुग्णालयात दाखल करण्यासाठी नेत असताना त्यांचाही मृत्यू झाला. या घटनेप्रकरणी मृत दाम्पत्याच्या मुलांनी दिलेल्या फिर्यादीवरून सासवड पोलीस ठाण्यात गुन्हा दाखल करण्यात आला. (Saswad News)

घटनेचे गांभीर्य लक्षात घेऊन सासवड पोलीस ठाण्याचे पोलीस निरीक्षक संतोष घोळवे यांनी तपास पथकाला योग्य मार्गदर्शन केले. गुन्ह्याची कार्यपद्धती, घटनास्थळ आणि मिळालेल्या माहितीच्या आधारे गुन्हे प्रकटीकरण पथकाचे सहाय्यक पोलीस निरीक्षक शंकर राऊत व पोलीस अंमलदार यांनी दोन स्वतंत्र तपास पथके तयार केली. (Saswad News)

तपासादरम्यान पोलिसांनी घटनास्थळाची पाहणी केली. परिसरातील सीसीटीव्ही फुटेज तपासले तसेच फिर्यादी आणि साक्षीदारांकडे चौकशी करून संशयित आरोपीची माहिती मिळवली. (Saswad News)

गणेश सुभाष धिवार हा संशयित आरोपी पूर्वी येवलेवाडी परिसरातील लक्ष्मीनगर झोपडपट्टीतील भिमज्योत मित्रमंडळ परिसरात राहत असल्याची प्राथमिक माहिती पोलिसांना मिळाली. त्याच्याविरुद्ध यापूर्वीही गुन्हे दाखल असल्याची माहिती तपासात समोर आली. (Saswad News)

संशयित आरोपी सातारा महामार्गाच्या दिशेने गेल्याची माहिती मिळाल्यानंतर पोलिसांनी त्याचा पाठलाग सुरू केला. त्यानंतर पुणे ग्रामीण पोलिसांच्या मदतीने राजगड पोलीस ठाण्याच्या हद्दीत नाकाबंदी करण्यात आली. संशयित आरोपी महामार्गावरून पुढे जात असताना पोलिसांनी त्याला ताब्यात घेतले. चौकशीदरम्यान त्याने गुन्ह्याची कबुली दिल्याचे पोलिसांनी प्रसिद्ध केलेल्या पत्रकात नमूद आहे. (Saswad News)

या प्रकरणाचा पुढील तपास सासवड पोलीस करीत आहेत. दुहेरी हत्याकांडानंतर अल्पावधीत संशयित आरोपीला पकडण्यात पोलिसांना यश आल्याने तपास पथकाच्या कामगिरीचे कौतुक होत आहे. (Saswad News)

या पथकाने केली कामगिरी

पुणे ग्रामीणचे पोलीस अधीक्षक, अप्पर पोलीस अधीक्षक, बारामती विभागाचे अपर पोलीस अधीक्षक, पुणे विभागाचे अपर पोलीस अधीक्षक, भोर विभागाचे उपविभागीय पोलीस अधिकारी तसेच सासवड पोलीस ठाण्याचे पोलीस निरीक्षक संतोष घोळवे यांच्या मार्गदर्शनाखाली सहायक पोलीस निरीक्षक शंकर राऊत, वैभव सोनवणे, राजगड पोलीस ठाण्याचे पोलीस निरीक्षक संतोष जाधव, तुकाराम राठोड, सायबर सेलचे पोलीस निरीक्षक संतोष गिरीगोस्वामी आणि सासवड पोलीस ठाण्यातील पोलीस अंमलदारांनी ही कामगिरी केली. (Saswad News)

Saswad News : देवाच्या जमिनीवर ‘राजकीय’ डोळा? सासवडचे काळभैरवनाथ मंदिर का झाले बंद; पाहा