White House | Indian Anthem – अमेरिकेच्या अध्यक्षांचे निवासस्थान असलेल्या व्हाईट हाऊसमध्ये आज प्रसिद्ध ‘सारे जहां से अच्छा हिंदुस्थांन हमारा…’ या गीताचे सूर निनादले. आशियाई अमेरिकन वंशाच्या नागरिकांच्या एकत्रीकरणापूर्वी व्हाईट हाऊनसमधील वाद्यवृंदाने हे गीत वाजवले.

एशिया अमेरिकन, नेटिव्ह हवाईयन ऍन्ड पॅसिफिक आयसलॅन्डरच्या वार्षिक एकत्रीकरणासाठी हे सर्व अध्यक्ष ज्यो बायडेन आणि उपाध्यक्षा कमला हॅरिस यांच्या समवेत व्हाईट हाऊसमधील स्वागत समारंभासाठी जमा झाले होते.

सारे जहां से अच्छा हे गीत स्वातंत्र्य लढ्यादरम्यान गीतकार मुहम्मद इक्बाल यांनी लिहीले होते. भारतीय समुदायाने केलेल्या विनंतीवरून वाद्यवृंदाने दोनवेळा हे गीत वाजवले. व्हाईट हाऊसमध्ये या गीताने स्वागत झाल्याबद्दल भारतीय अमेरिकन समुदायाचे नेते अजय जैन भुटोरिया यांनी विशेष आनंद व्यक्त केला.

वर्षभरापेक्षा कमी अवधीमध्ये व्हाईट हाऊसमध्ये सारे जहां से अच्छा या गीताचे वादन करण्यात आले आहे. यापूर्वी २३ जून रोजी पंतप्रधान नरेंद्र मोदी हे व्हाईट हाऊसमधील विशेष अतिथी म्हणून आले होते, तेंव्हा सारे जहां से अच्छा हे गीत वाजवले गेले होते. त्यासाठी अमेरिकेच्या वाद्यवृंदाने या गीताचा विशेष सरावही केला होता.

Thrilled to hear Saare Jahan Se accha Hindustan Hamara played at WHite House AANHPI heritage celebration hosted by President @JoeBiden with VP Harris @VP . Paanipuri and Khoya dish was also served .stronger US India relationship . @PMOIndia @narendramodi @DrSJaishankar @AmitShah pic.twitter.com/1M5lViwbF2

— Ajay Jain (@ajainb) May 14, 2024

एकत्रीकरणाच्यावेळी जेंव्हा हे गीत वाजवले गेले, तेंव्हा भारतीय समुदायाच्या व्यक्तींनी उत्स्फूर्तपणे हे गीत गायला देखील सुरुवात केली होती. हा एक अलौकिक क्षण होता, असे कॅलिफोर्नियात स्थायिक झालेले भुटोरिया म्हणाले.

अध्यक्ष बायडेन हे भारत-अमेरिकेच्या संबंधांना किती महत्व देतात, हे वारसा मासाच्या निमित्ताने व्हाईट हाऊसमधील एकत्रीकरणातून स्पष्ट झाले. दोन्ही देशांमधील संबंध अतिशय घट्ट आहेत. भारताबरोबरचे संबंध सर्वात परिणामकारक आहेत, असे बायडेन यांनी यापूर्वी देखील स्पष्ट केले आहे.

आता नवीन व्यापारी भागीदार शोधले जात आहेत आणि चीनच्या संबंधांमध्येही समतोल साधला जात असल्याचे अमेरिकेच्या व्यापार विषयक राजदूत कॅथरिन ताय यांच्या हवाल्याने भुटोरिया यांनी सांगितले.

भारत आणि अमेरिकेदरम्यानचे सरकारी पातळीवर आणि व्यापारी संबंध देखील दिवसेंदिवस घट्ट होत आहेत. पंतप्रधान मोदी यांनी नवीन संरक्षण करार देखील केले आहेत. त्यामुळेही व्यापारी संबंध अधिक वाझत असल्याचेही त्यांनी सांगितले.