Hingoli Ringan Sohala : हिंगोली जिल्ह्यातील संत नामदेव महाराजांचे जन्मस्थान नर्सी नामदेव येथून निघालेल्या संत नामदेव महाराजांच्या पायी पालखी सोहळ्याचे हिंगोलीत सोमवारी उत्साहात स्वागत करण्यात आले. रामलीला मैदानावर पार पडलेल्या नेत्रदीपक रिंगण सोहळ्याने भाविकांमध्ये भक्तिमय वातावरण निर्माण झाले. (Hingoli Ringan Sohala)

‘जय जय रामकृष्ण हरी’च्या अखंड गजरात पालखीने नर्सी नामदेव येथून पंढरपूरच्या दिशेने प्रस्थान केले. पालखी निघण्यापूर्वी संस्थान परिसरात विधिवत पूजन करण्यात आले. त्यानंतर गावातून नगरप्रदक्षिणा काढण्यात आली. यावेळी शेकडो वारकरी आणि भाविक मोठ्या संख्येने सहभागी झाले. (Hingoli Ringan Sohala)

यंदा संत नामदेव महाराजांच्या पालखी सोहळ्याचे ३१वे वर्ष असून, सुमारे ३५० किलोमीटरचा पायी प्रवास करत पालखी २४ जुलै रोजी पंढरपूर येथे दाखल होणार आहे. या पालखी सोहळ्याचे चालकप्रमुख म्हणून बळीराम सोळंके जबाबदारी सांभाळत आहेत. कीर्तनकार, मृदंगाचार्य आणि अनेक वारकरी या सोहळ्यात सहभागी झाले आहेत. (Hingoli Ringan Sohala)

संत नामदेव महाराजांच्या पालखीचा मुक्काम पुढील प्रमाणे

७ जुलै -औंढा नागनाथ
८ जुलै – बाराशिव
९ जुलै – हट्टा
१० जुलै – परभणी
११ जुलै – पोखर्णी
१२ जुलै – गंगाखेड
१३ जुलै – उक्कडगाव
१४ जुलै – परळी वैजनाथ
१५ जुलै – अंबाजोगाई
१६ जुलै – बोरी सावरगाव
२० जुलै – खांडवी
२१ जुलै – चिंचगाव (टेकडी)
२२ जुलै – लहुळ
२३ जुलै – आष्टी
२४ ते २९ जुलै – पंढरपूर

पालिकेकडून उत्साहात स्वागत

हिंगोली नगरपालिकेतर्फे पालखीच्या स्वागतासाठी विशेष तयारी करण्यात आली होती. नांदेड नाका येथे पालखीचे पूजन करून स्वागत करण्यात आले. यावेळी आमदार तान्हाजी मुटकुळे, आमदार संतोष बांगर, गटनेते श्रीराम बांगर यांच्यासह अनेक मान्यवर उपस्थित होते. (Hingoli Ringan Sohala)

दरम्यान, पालखी सोहळ्यात एकूण पाच ठिकाणी रिंगण सोहळे होणार असून त्यातील पहिले रिंगण हिंगोली येथे पार पडले. त्यानंतर १२ जुलैला दैठणा, १४ जुलैला परळी वैजनाथ, १५ जुलैला अंबाजोगाई आणि १७ जुलैला जवळबन येथे रिंगण सोहळ्यांचे आयोजन करण्यात आले आहे. (Hingoli Ringan Sohala)

Sant Muktabai Palkhi: संत मुक्ताबाई पालखी सोहळ्याचे वेळापत्रक जाहीर; मानाचे विणेकरी आणि चोपदारांची नावे आली समोर